成...功...啦!!!

經我呢幾日閉關練功, 我既搓包技術有顯著既進步!!! 感謝主~

之前試過做以下呢款甜餐包... 但麵團太濕, 做唔到型, 更加包唔到饀...

吸收左教訓後,, 再戰甜餐包...仲要加肉鬆做饀, 無懈可擊啊!!!!

新鮮出爐!! 嘩.. 我的媽呀~~ BB..你地好靚仔呀!!!!

今次做左七隻, 有五隻有肉鬆饀, 可以攞出街請人食!!! 仲有兩隻無饀留黎第二日做早餐!  d 包包發完酵已經迫迫地, 再焗一焗,, 變晒連體嬰~

由於焗起時撞啱趕時間出去,, 急急腳攞左幾隻落去俾大少&同事享用!!  口啤當然係"一級棒"啦!!!!

今朝起身例必煎隻蛋, 加多條腸仔... 好正呀!!!

尋日唔夠時間影, 今朝補影, 一樣咁軟熟... 起晒絲呢!!!!!!!!! 

Yes..阿媽~ 我得左啦!!  Vanlily...我無辜負到你既悉心教導呀!!!!!  多謝你~

********************************************************************************************

食譜唔錯... 易整, 變化又好大!! 大家不妨試下~

肉鬆包 :

甜麵團中種發酵法

材料 :

中種麵團:

高粉 .... 250g, 速溶yeast .... 3g, 水 .... 150g

主麵團:

低粉 ..... 65g, sugar .... 55g, salt .... 4g, egg .... 35g, milk powder .... 25g, unsalted butter ... 30g, water ... 10g

做法 :

1. 將中種麵團搓至起筋(唔洗薄膜), 然後搓圓以28度/相對濕度75%,發酵至兩倍大 (約60 - 90mins)

2. 將1加入主麵團材料(除牛油) , 搓至起筋, 加入牛油, 再搓至起薄膜

3. 把2麵團分割所需大小並滾圓(我做七個大約每個90g), 蓋上保鮮紙靜置15-20mins

4. 將靜置後的麵團捍開, 排氣... 然後包入喜愛饀料, 封口捏緊, 蓋上保鮮紙再發酵60-90mins

5. 預熱爐180度, 輕薄塗蛋漿, 焗15-20mins. 即可!

書介紹呢種中種發酵既優點係 :

1. 組織細密柔軟

2. 發酵時間彈性大, 就算發酵完, 若因有事而無法馬上處理都團, 短時間內都唔會影響麵包品質!

個人覺得中種發酵比起直接發酵法既麵包keep得較耐.. 兩日既麵包依然軟熟!  如果好似我咁無鮮酵母, 但唔想整天然酵母/老麵等,, 呢個方法都唔錯架!!!

資料提供by <新手如何把麵包作成功> 購自台灣, 唔知香港有冇得賣?