唔好意思呀!! 呢兩日大少既朋友過左黎玩, 我地都忙於招呼佢, 所以都無時間探你地& 無覆大家既留言!!!! 
連續兩日都揸車出杜拜, 好攰呀!!! 撞啱呢兩日有大風沙,, 四周既環境都被風沙包圍得白濛濛...
平日清晰可見既廣告牌...依家望過去都睇唔清楚~
由Abu Dhabi 揸車出Dubai,, 有70%時間都係o係highway奔馳,,而highway兩邊就係沙漠... 所以大風一吹,,,周圍都沙塵滾滾!!
除左大沙塵, 風力都好強勁.... 架車有時都感覺到搖擺不定!!
入到市中心,,,少左風沙... 個天又藍返啦!!! 眼見既又係一棟棟起緊既建築物... 次次出杜拜感覺又好似唔同左!
呢到無乜共公交通工具(無好似香港既完善巴士, 地鐵, 叮叮, 小巴服務等),,, 所以如果無車, 去邊都好唔方便!!!! 依家全力起緊呢條Metro線,, 他日起好左,,黎杜拜玩應該會方便好多!!!!
Burj Dubai... 全球最高既建築物...到依家為止發展商都唔肯公怖佢實際既高度&層數... 懶神秘!!!
不知不覺已經起好咁濟.... 初初一年半前黎仲係起到一半咋,, 依家連外牆既cladding 都鋪左一半... 好快手呀!!
杜拜d建築物其實都好特色... 咩奇型怪狀都有... 佢地既Design都係特別(騎呢)架!!
遠望呢棟起緊既建築物係無乜特別!!!
其實佢係一路扭扭扭咁扭住起架!!! 因為大少有參與過呢個project ..佢都話..唔係有份做過都唔知佢起得咁'雕轉'!!
呢座應該係一座住宅... 你睇佢既露台幾特別... 三角型..兩邊無敵景觀!! 一個字 : Cool~
呢到既建築物真係... 話佢靚又唔算靚 ; 話佢平凡,,但一D都唔平凡; 話佢好潮好in,,又講唔出口... 真係唔知點形容好?
佢地好鐘意起一兩棟/三棟, 唔連埋,, 不過遠望係會睇得出幾棟野係有關連... 仲要係好鐘意個外牆一有邊係孤型, 一邊係正方型!! 我住緊既大廈都係咁~ (唔知係咪似隻帆呢?? 我亂估咋)
金字塔酒店...
又係咁既設計~~
我諗諗下, 我成日話杜拜無野玩, 唔好黎!! 可能真係因為我住得耐既偏見,,, 如果我係睇一次黎, 見到咁多呢特別既建築物,, 又住靚酒店... 可能我都會覺得杜拜好正, 好好玩!!
其實杜拜仲有好多好多發展緊既地盤...多不勝數!!!!! 而且每個都好有特色,, 想做到最出眾, 世界之最既聲號!!!
我相信過多五六七年既杜拜/Abu Dhabi既景象, 真係會好令人驚嘆 : 有錢真係乜都得!!! 有幸可以係到生活...我都覺係人生之中幾難忘既經歷!!
沒有留言:
張貼留言