美甲心得

係香港帶左d整Gel甲既材料過黎, 一直都無時間整!! 自拆甲後, 我本身d指甲軟到連唧粒黑頭都無力... 好唔慣呀~

加上我本身d手指偏向又肥又短... 如果唔留長指甲,, 睇落成雙白雲鳯爪咁; 但留長又好麻煩, 因為我本身d甲又薄又軟.. 好難留!!!!

搓左幾日包,, 要休息下,, 趁得閒動手做對靚甲過年啦!!

材料非常簡單~ 眼見就係咁多...仲有一棧紫外燈!

原本真甲既長度... 之前拆甲後把心一橫剪晒d指甲..點知好唔慣,, 洗頭時d手指好痛!!

用紙托去廷長你想要既長度...

拆走紙托後既衰樣!  哈... 第三隻好攪笑

之後用挫修飾一番,, 做返隻見得人既甲型~

揀隻自己鐘意既顏色!! 我無買太多顏色選擇, 數埋得六七樽,, 因為一樽咁既野都HK$2XX... 唔捨得買呀!!!

再用一枝專用Gel 筆將顏色鋪上甲上

然後放入紫外燈照乾 (Gel 既特性係要照燈先會乾, 唔似甲油,, 如果一日唔照燈, 放係到一世都唔會乾架!!)

稍稍再修下個型, 即可!!! 自己左手同右手做, 右手同左手做.. 2.5小時完成!! (做完記得要擦hand cream!)

其實好多人對做甲都有誤解,, 大部份既人都覺得... 做甲好麻煩, 太貪靚啦, 好傷甲, 好費時等~~

但其實做甲除左令對手望落整潔美觀外..都係保護雙手甲既方法!

例如 : 你本身係好鐘意咬手指, 咬到入晒肉, 流晒血, 損晒,, 做甲係好啱改善呢d惡習!  又或者你本身d甲係偏薄&軟身,, 好易斷甲, 好易界到自己(我試過訓覺自己唔知刮走額頭一忽皮走!).. 做甲又係保護自己既好方法~

做甲其實比起油指甲油更好更方便... 除左無咁容易甩色外, 最重要係好似我呢d成日要煮飯搓包既人,, 都唔洗怕會甩左d顏料落d食物到! (痴石畫花另計)

除非你本身真係指甲長少少都頂唔順咁就無得講... 否則, 你可以選擇唔好做太長既甲, 揀一隻自然少少容易襯衫既顏色, 基本上係唔會影響你日常工作生活, 仲會俾人一種好乾淨既感覺 (呢個係純粹個人感覺..哈~~) !!!

不過,, 各人有各人喜好!! 我只係講多少少俾一d想去試去但又十五十六既朋友知道.. 做甲其實唔係你想像中咁麻煩複習架!! 有興趣去試下啦~