益力多@UAE

各位...真係唔好意思!!  因為今日遲左起身, 遲左食早餐...所以攪掂晒d野先上黎為大家揭曉"益力多@UAE"之謎!!!!!

一般朋友都估HK$30-40一PACK, 其實呢個價錢黎講, 都已經好痴線!!!! 不過同真實價錢仲有一段距離呢~

另外都有唔少朋友好勁咁有咁誇估咁誇....  HK$70-200都有人估.. 你地就真係有見地呀!! haaaaa

等我黎開估..睇下究竟呢一pack 7枝庄既益力多..係中東國家, 會賣幾多錢呢? 而你又會唔會買呢??

見紅圈!!  無睇錯, 無眼花, 唔係港紙... 係杜拜錢42.45dhs = 大約HK$90一pack啦!!!

而Light 版就平少少... 35.5dhs = 約HK$75 一pack!!

大家有咩感覺?? 係咪覺得自己係香港住好幸福呢???

不過,, 我仲白痴!! 我將益力多個價錢睇錯左隔離6.95dhs, 諗住都係HK$13蚊.. 就算貴都唔係差好遠... 我仲買左兩排!!!

直到同事M同我講話益力多貴到飛起喎!! 我唔信邪~ 突登走去reconfirm...點知一望清楚之際...嘩!!!!!! 'call 老爺?!!" 唔係掛...咁叉貴既益力多佢都夠擔死賣!! 香港賣幾蚊咋喎~

之後,, 我就再無出聲,, 只係覺得自己超級霹靂無敵"戇居"... 竟然買左2packs 價錢大約100蚊港紙既益力多!!!!!  呢件事.. 大少無乜理我.. 我亦都唔夠膽同佢呻,, 我只係話輕描淡寫咁講 :  啊!! 上次明明仲係標六個幾之麻,, 可能標錯價錢!! 依家買到咁貴喎~ (唔知佢信唔信,, 但佢又無出聲!! 算啦... 呢個係一個教訓!!)

眼大有野唔好... 就係成日睇野睇過'龍', 哼!!  (我仲死撐-ing)