愛很簡單~

今日係年三十, 我知道你地一定好開心,, 好有holiday mood去迎接鼠年既來臨!!!!

但身在遠方既我,, 只能夠係呢到平平淡淡咁過, 真係有d 唔開心~  (最唔開心係, 聽日開始放假, 你地實好多節目啦,, 一定無乜人update或睇blog...我會好悶啊!!)

不過算啦... 雖然無新年,, 但仲有大約一個禮拜就係情人節 + 大少既大日子!!! 時間過得好快呀... 真係快到眨下眼又一年!!!! 唔通.. 真係開心既時間過得特別快??

最近屋企多左個新成員!!!!

噔噔!!!! 係一個廚房用既活動架/車~

由於大少見我最近勤於搓包... 佢話驚我張工作枱唔夠大, 做野要就住就住... 好早期已經話不如買多張枱放係廚房擺野!!  但一直都搵唔到心水枱,, 而且我覺得其實個廚房都好大, 唔洗再特別加多張枱放野,, 所以我都無再特別提話要買...

但上星期行經傢俬店... 大少又remind我,, 不如買張枱啦.. 等你做野做得舒服d麻!!! 最後,, 我地就揀左呢張啦!

因為屋企好多電器,, 又多士爐, 焗爐, 飯煲, 豆漿機, 微波爐, 攪伴機等... 唔覺唔覺,, 又真係好多野!!! 依家買多個架都好... 起碼真係騰空左個工作枱,, 做乜都方便好多!

搬走晒d多士爐, 飯煲,, 張枱真係濶落晒~~

其實真係不得不讚下大少... 雖然佢偶然都會粗心大意.. 但好多時佢對我既野特別緊張!!! 有時我自己都唔為意既事, 佢都會記係心內.. 不知不覺咁幫我去填補~

尋日影開相,, 先發覺個廚房看似係我既地盤,, 但好多野都係大少悉心幫我去準備.. (最抵錫係我無出過聲叫佢做架!)

呢幾個貼勾,, 無啦啦就發現佢既存在!! 大少見我成日要騰黎勝去攞野.. 所以好醒咁幫我貼左幾個勾勾方便煮飯!

一塊Pin board!! 我平時會係電腦到抄低d recipe攞入廚房睇住做, 做完就會將d recipe 貼係櫃到就算, 方便下次再睇!  大少見我貼貼埋埋咁多post it,, 佢又會去買塊記事板俾我, 幫我'吉'晒d recipe落去,, 唔洗咁散修修!! 哈~

抺手紙--- 我永遠都係亂放,, 要用就攞! 但大少又好細心咁買左個抺手紙架吸盤, 幫我吸係方便位置,, 等我用得方便..整齊!!

仲有呢個書架!! 都係大少諗出黎... 哈哈~

我平時做野好求其,, 又好少去諗太多野... 但大少永遠都會幫我諗得好周到!! 只要有佢係到, 我真係覺得住得舒適, 食得招積!!! 哈~~  

雖然呢d唔算得係咩事,, 但反而令我更加覺得感動.. 確確實實感受到佢對我既愛係幾咁無微不至!!!

其實大家成日都會話,, 大少好幸福!! 但事實上, 最幸福既人係我先啱~ heeee

Dar,,

I Love you so muchhhhhhhhhhh!!

yr Hon