大年初三,, 繼續同大家恭喜發財!!!!! 小心赤口, 相嗌唔好口~~
初二呢日, 特登早早起身, 加快腳步, 但都攪到兩點先出得門口! 趁住依家仲係Dubai一年一度既Dubai Shopping Festival,,當然要去睇下有乜筍野啦!!!
今日天氣好到爆!!! 個天超藍~~ 好彩唔算太熱,, 我都係鐘意冬天多過夏天~ 夏天, 唔好咁快到,, 我會好辛苦!!
一個多鐘頭車先出到杜拜, 沿途無乜風景可言, 頂多有呢d 廣告牌.. 幾得意啊!
Hihi~~ 好曬啊!!!! 恭喜發財!!
今趟去左Ibn Battuta Mall行, 六個主題既大型商場, 之前有介紹過, 有興趣可以睇返!!
前前後後只係行左大約四個鐘就返Abu Dhabi去同事屋企食開年飯.... 原本諗住去showroom睇車都唔夠時間呀!!! Shopping既時間真係特別快過 + 好開心!!
我同大少既戰利品呀!!! 今次大少既收獲好似比我更勝一籌,, 全個Mall 98%以上既商店都進行大傾鎖... 果然係Shopping Festival啊!!!
好多牌子都減晒價.. 有d仲減完再減~~ (將價錢x2 = HK$) , 真係勁抵, 大少黎緊既春夏季都唔洗再買衫啦!
而我覺得最抵買既就係呢兩套Adidas Bikini,, 雖然以我現時身型未係時候可以著得出黎見人,, 但真係超抵呀!!! 60, 80港紙一套,, 唔買點得!!! 為左呢60&80蚊, 我要努力d減肥...哈哈哈!!!!!
原本想買某牌子既護膚品,, 但俾Sale姐姐Sale左我買呢一套, 佢話口啤勁好喎!! 係法國三十多年歷史,, 依家買滿400dhs 再送一set 200dhs既產品!! 見大少同我既護膚品都用得七七八八.. 試下啦!!! (有冇人聽過呢個牌子呀?)
係杜拜/阿布達比, 好多商場都會用送車黎作招引生意,, 買滿某個收目就有一張抽獎券, 多買多得!!!! 平時我都好少妄想自己會中獎, 但今次呢個商場送出既係我架Dream Car - Mini Cooper 啊!!!!!! 知道後, 我即時叫大少快d攞返晒d單出黎去換獎券,,, 希望可以成為幸運兒啦~~
Shopping 真係好開心~~ 不過今日最洗得最唔抵既係被影到超速駕駛啊...又唔見120dhs.. 唉!! 算啦, 破財擋災, 破財擋災!!
F
回覆刪除