我回來了!!!!!! 
大家都知颱風"薔蜜" 係台灣今年最強勁既風, 報導列出有十七級風啊!!
雖然台北影響唔係最大, 但風勢一樣好強勁, 好似真係打到黎, 連人都企唔穩~
但感恩既係, 我地去左四日三夜, 只係有大半日係被困酒店, 其餘時間仍然可以繼續飲飲食食&血拼!
天氣雖然唔好, 但涼風陣陣, 雨勢也不算大, 人又唔多, 我地反而覺得行得好舒服呢!!! 另外最讚既係被困個半日係星期天, 係台灣最多攪笑綜藝節目既一日, 我地留係酒店到睇不同既綜藝節目都已經笑到反晒肚呢!
今次呢個台灣之旅實在太舒服, 舒服到每日十一點先起身, 一起身就食, 食完就行, 一行就買, 買完又食, 食完又行, 又買, 又食, 又行又買! 我最大既收獲就係橫掃台北既烘焙店&書店, 買到個喼又超晒重!!!!
今次唔會再講係台灣食過乜, 去過邊, 因為黎黎去去都係個d....
總之, 今次就係"喪食喪買", 我直程係台灣食到半夜訓唔著要起身嘔.. 認真誇張!!!
尋日夜晚同屋企人去太古城新開既美心皇宮食飯, 一向我都鐘意美心既酒樓, 覺得佢食物質素有保證, 果然無令我失望呢!
原本唔想煩叫六人套餐, 但貪心既我又想食呢樣, 又想食個樣, 最後都係依照自己心水想食乜就叫乜
但一煲鵝掌得三隻, 唔夠喉呢!!!
第一次用Pancake皮(超薄)黎包片皮鴨食, 原來都唔錯, 比起傳統既食法, Pancake皮較薄, 多食幾片都唔會有好飽既感覺... 值得一試!
但事實上, 大家都覺得一碟餸稱得上"生菜包"既餸, 靈魂當然係d生菜到啦! 但佢地所提供既生菜根本唔夠包住D肉食, 咁何謂"生菜包"?!
呢餐飯大家都食得好滿足, 無論服務同質素都好好,, 我俾90分啊!!
****************************************************************************
聽日同大少會去台灣玩幾日, 初初以為自己最近有運行, 因為
~係好短時間竟然可以online用mileage換到台北機票(早機去晚機返)
~唔知點解台灣酒店好full, 但最後仍然book 到一間近西門町既飯店(價錢仲好OK)
~避左香港既台風, 可以安全到港
~係飛機到訓得著
點知, 今日聽Daddy講台灣聽晚可能會打風, 但佢話我早機去應該無問題!!
但係, 下午又聽朋友講香港又有個風醞釀緊, 可能黎緊都會打風!!
OMG, 點解次次去台灣都打風?? 點解次次大少返HK都打風 (上次八月底九號波, 前日又八號, 黎緊會幾號啊??)
求主保守個天生生性性, 去到台灣唔好打風啦, 更加唔好濟留係台灣返唔到香港啊!! 我有好多地方想去呢~
話咁快又返到香港, 感恩今日無風無雨, 天氣好到不得了, 唔太氣, 又唔太濕... 好舒服啊!!!
今次係飛機竟然訓得著, 仲有發夢!! 
唔通我之前早睡早起既良好習慣簡接影響左我??
一返到屋企好開心, 以前返香港未到屋企腳步已經沉重, 因為一諗起以前間屋... 唉, 唔好提! 但依家有自己既家, 一開門, 真係有家既感覺!!!!! 
入到房, 仲見到有份包裹係枱面 (唔該晒Daddy幫我去郵局攞!)
呢隻錶之前經日本主婦既online shop到訂, 係G-Shock Mini,, Casio應該係同日本某"痴石公司"合作, 將佢地既錶全部都改頭換面!!! 一向愛閃閃既我, 見到呢D錶簡直兩眼發亮, 左揀右揀之下就揀左呢隻 (多謝大少
)
載上手, 襯我至愛既白色衫, 大少都話好sharp好靚啊!!! (唔該主婦)
依家有左主婦呢個Online Shop (極力推介), 身在杜拜既我都可以日日Shopping, 睇啱貨就落訂(收費詳情麻煩去返主婦到參考)! 最好既係有相熟朋友經手, 唔怕俾人呃呢!
最棧既係, 基本上任何日本貨大家有興趣都可以留言俾主婦, 佢就會盡力幫大家搜尋, 依家唔洗下下都得個"恨"字, 就算無時間去日本, 都可以買到日本野呢!
尋日臨飛返HK前又上網落order,, 希望係走之前可以收到貨啦!
先兩日真係不停做包包&甜品, 直至今日先停一停, 抖一抖... 原來新屎坑, 真係會有三日香!!
由上星期五晚就急不及待要試新機, 一開始就選擇做雪芳蛋糕, 因為可以test下個打蛋器係咪真係咁強勁!! 試過後, 真係不斷嘩嘩聲,, 唔洗兩分鐘就可以打到好企好企既蛋白,,, 勁啊!!!
同一晚, 做完雪芳後, 心癢癢再整多個芝士棉花蛋糕(for 上星期六visa run長征既乾糧), 所以上個禮拜六真係攰到甩肺!!!!
星期日回過氣後, 立即又動工做包包,,, 買呢部機就係為左做包包, 心大心細之下, 最後選擇做"酥皮肉鬆包"
依家唯一安慰自己既就係賴落隻麵粉到... 嗚~~
之前一直聽人講KA幾咁好, 係好多愛做包包者既Dream Mixer.
以前我以為KA係麵包機, 係中東呢邊左搵右搵都搵唔到. 後來細問之下先知原來KA係一隻好出名既Stand Mixer. 有左佢, 就可以慳返唔少力氣去搓包, 所以先咁得愛包者歡心~
知道咩一回事之後, 記得之前係呢邊既大型supermarket都見過類似物體, 但就係無KA呢個牌子(激氣~)! 個個都話KA好, 要我買其他牌子確係有D驚,, 之但係如果要等到將來返HK長註先可以買, 咁咪有排等?!
係無得揀既情況底下, 膽粗粗試下Kenwood Prospero, 價錢大約二千三港紙, 但佢既Walt數比KA大(有700W), 而且仲有包好多其他附件, 應該都用得著.... 最後, 係大少既鼓勵下就帶左佢返屋企!!!!
我就做大家既白老鼠, 將呢部Stand Mixer既好與壞同大家分享, 他日你地都心郁郁想試下Kenwood, 都有個參考麻~
尋日我已經試過用佢黎做左杯健康飲品 : 香蕉士多啤梨麥片奶 (飲完今朝超暢順!!嘻!!)
我同大少兩個呢兩日係咁玩呢部機,, 連佢都話有左呢部機, 屋企可以買少好多野, 係送俾人地新居入伙既好禮物!!
呢兩日我不停做蛋糕麵包... 效果都OK啦! 依家打蛋/搓麵粉都慳左好多時間.. 我癲到直程一日整兩款蛋糕/麵包, 好攰呢~ (企到好攰)
暫時新屎坑仲未發現有咩唔好,,, 再用多幾次睇下點, 如果有咩唔好, 我再向各位匯報!!
報告完畢~
o黎o黎o黎, 追返香港既步伐先!!!
尋日920係阿茄(Karen)十八歲生日會大日子, 原本我一早應承會出席為佢慶祝, 但大家都知我既schedule係幾咁飄忽, 最後未能赴約, 唯有係呢邊夾住你地, 一齊同步進行啦~
今次主題係美國菜,, 我一早就奮勇報名要做Spaghetti (因為自己都好耐無煮, 好想食, hee)
好耐無煮既蕃茄大蝦義粉.... 呢款味道既義粉我真係百吃不厭!!!!!
平時我唔愛吃洋蔥, 除非炒到好熟好淋, 但我知大少鐘意食, 所以今次都加左一個洋蔥落去炒, 但切洋蔥時都係難逃會"哪"眼既命運! 曾經聽過人教唔知點樣可以切洋蔥唔會'哪'眼, 但我唔記得左個方法, 有冇人可以提供??
話晒係阿茄既生日會(其實又係自己想食!), 我做多款茄粒牛油果沙律配芝麻醬!
仲有仲有一罐超多粟米既粟米濃湯,, 超讚!!
嗱,, 我真係有做野架, 只係差在無煮十個人份量姐, hee! 阿茄, 返黎同你補食生日飯下.. 乖啦~
********************************************************************************
其實尋日係超級無敵攰, 因為前一晚唔夠訓, 跟住尋日一早要揸車兩三個鐘頭車去Oman攪visa run, 一來一回總共花左七個鐘黎遊車河! 仲要烈日當空, 上車落車攪出入境, 俾人點黎點去, 先出Abu Dhabi 境, 然後又要入Oman 境, 再出Oman境, 最後再入返Abu Dhabi 境,,, 人都癲!
返到黎大少同我都攰到甩肺,, 佢仲要笑笑口暗串我: 啊! 點解你唔洗揸車齋坐都咁攰既?
我答佢 : 平時坐飛機夠唔係你揸機, 咁你每次坐完咪又係嗌好攰!
去到Oman先發現佢地呢到好多山,, 係連綿不斷, 見唔到盡頭既山...
好奇怪, 乜呢到唔係沙漠地區咩??
一年幾前黎Oman做Visa Run, 佢地連入境大堂都無, 只係一間臨時搭建既爛鬼屋仔, 點知依家去, 佢地已經起左個咁靚既"入境大堂", 勁!
Let us complain less and give more!
If you think you are unhappy, look at them
If you think your salary is low, how about her?
If you think you don't have many friends...
When you feel like giving up, think of this man
If you think you suffer in life, do you suffer as much as he does?
If you complain your transport system, how about them?
If your society is unfair to you, how about her?
Enjoy life how it is and as it comes
Things are worse for others and is a lot better for us J
There are many things in your life that will catch your eye but only a few will catch your heart....pursue those...
收到呢封email 既時候, 覺得真係一篇好好既message, 好值得我地去反思自己平時對生活既態度!
我自己都唔係一個時時刻刻懂得珍惜, 懂得知足既人, 所以睇到呢篇文章時, 真係好大感觸, 覺得自己真係真係應該要反醒!!!! 每個人都會遇到挫折或不如意既事, 而且唔係個個人都EQ爆棚懂得自我安慰, 好多時仍然會讚牛角尖!
但其實諗真d, 我地生於呢個年代, 呢個地方, 已經係一個"超級幸運兒"! 當然, 每個人仍然有自己既煩惱, 自己既問題, 但係相比以上圖片所見到既人, 你仲敢唔敢話自己係世界上最慘既人? 話呢個天對你唔公平??
呢封email我唔能夠copy and paste咁copy上黎yahoo blog, 因為有好多圖片load唔到, 我要另存圖片再upload上網先OK, 但將近完成時, IE又突然死左, 乜都無晒.... (灰~) 但個一刻我個心無放棄, 因為我想大家都得到幸福, 想大家都能夠做個知足快樂既人,, 所以就算要再花多少少時間, 我都好想好想將呢篇文章share 俾大家, 希望大家都能夠得到幸福快樂~
**歡迎引用, 將呢個message帶俾更多人*
