寶貴的一課!

今日好充實..返黎咁耐日日都好忙...但我多數都係中午先出動!

不過今日要倍大少返院醫覆疹, 所以一早八點半就起身出發~

然後去灣仔二記入貨... 再去IFC行左一陣

轉個頭又去北角食LUNCH.... 最後踩入將軍澳睇樓~

夜晚去APM食飯... 飯後再約朋友竹戰四圈..

一個字 "攰"...唔係.. 係三個字"好鬼攰"

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

但今日我好大得著~ 無論物質上或心靈上....

首先,, 知道今日將會去將軍澳睇樓, 所以預先麻煩YY CAKE幫我買樽桂花糖... YY CAKE好客氣親手做左芝士包包俾我食(因為佢知我鐘意食包包!!)

好好味... 同YY CAKE一分開後, 我就不顧儀態地係街到攞出黎食... 好好味!!! 微暖加上外脆內軟... 如果唔係要食晚飯..我諗我同大少會即時食晒!

YY CAKE..多謝你咁有我心呀!!!!! 你知我鐘意食包包就突登做俾我... 而且仲有機會俾我見到子曦...佢好Q,, 好可愛!! 佢既迷人笑容... 真係甜過小甜甜呀~~

初初見到子曦..佢好怕醜... 唔肯同我影相呀!! 但後來一齊坐地鐵..相處左幾個站後..我要落車時... 子曦竟然唔捨得我... 臨走仲好好笑容係咁同我講BYEBYE.... 真係好得意呀~~ 攪到我又好有衝動生BB...heeeeeeeeeee

**************************************************************

夜晚相約左大少奶&菇菇姐... 我唔敢遲到.. 一早去攞位先!!!!

今次D食物真係唔重要...(雖然我好為食...但我地傾計既話題更吸引!!!)

多謝心情唔多好既大少奶係M期依然好有心咁同我分享"做人(老婆)既道理".... 真係獲益良多... 希望我慢慢會真正學懂如何"妥協".... 同愛人相處之道真係好難學.. 好難去掌握~~

我既EQ比正常人低... 需要安全感亦比一般人多... 所以真係要靠神去改變我... 引領我!!

大少奶 : 雖然你今日不在狀態... 但我已經知到你既"底"... (我只需諗下自己就得..haaaaaaaaa) 所以我唔怕你架!! 你下次可以回復"癲狀"黎對住我~~  我期待下次再聚...大家再狂癲一番!!! 

菇菇姐 : 你呀... 你真係要好好向我 or 大少奶學習下..."如何做個識嗲人的女人" or "懂得如何倚靠人"... haaaaaaaaaaaaaaa 如果唔係..你做人會好攰架!!!!  但切記~~  千祈唔好屈服..唔好走入"哭見人"圈套呀~~~

搭枱Cindy : 係短短兩三個星期, 我地竟然有兩次半既聚會..真係好感恩!!!! 希望我下次返黎, 你都要精精神神咁出黎同我吹水呀!! 所以你要好好咁照顧自己...唔好再咁唔聽話啦~  有咩事.. 係第一時間係MSN震我啦.. 我會倍住你架!!!! 多謝你D靚靚貼紙&薰衣草呀~~

今日我係超....................飽!!! 因為除左飯前食左yy cake個芝士包外...仲有豐富正餐... 最後最後我仲"隊"埋大少奶送俾我既菠蘿蛋糕... (整個隊)

因為好好味... 我根本不能自拔地係咁食呀食呀食... 成個食晒!!!! (係咪好嚇人?)

食完去廁所先知個肚飽到想爆..... 好飽呀!!!

不過真係好好味~~

P.S. 其實有好多野要POST出黎...但我都要讓一讓位先POST呢篇, 因為我真係好開心.... 係我最近心情唔好既日子裡.. 今日真係好感恩....  多謝各位!!!!!