蘋果批定係蘋果曲奇?!

今日係星期五... 又係我地係杜拜每周一聚既時間 (食飯 + 打麻雀)

我同大少唔係呢邊幾星期... 真係難為左係到既同事... 悶死佢地呢!!

之前家姐(大少奶) 做左個蘋果批.... 超正~

見到後,, 第二日即刻去M記買左個apple pie食!!! Yummy~~

大少&同事們都好鐘意食蘋果批... 之前都有叫過我整~~

不過我本身只愛吃M記既蘋果批..一大個cake size個d我唔鐘意...

原因係以前我出去跟miss學過.. 發覺自家cake size蘋果批太甜呢~~ (甜到完全唔啱我口味!!)

但今日諗住回歸第一擊...不如就順意民情..整個蘋果批俾大家食啦!!!

雖然學過..但今次跟另一本書做.. 每個step都好似無乜問題!! 不過唔知點解搓甜餅底時..覺得唔夠軟..好易裂開? 因為我怕太甜..自己減左10g 黃糖.. 唔知係咪因為咁.. 攪衰左?

焗既時候好香呀~~ 但未食既我都知心知不妙!!!! (d蘋果肉焗到流返出面... why?? why ?? tell me why??)

一切黎試味..已經覺得個批底好易爛...唔似一般tart 底咁實正!!! 噢~~  (高手請指教!!!)

食落感: 內饀ok.. 但發現批底過份脆!!! 大少話似食曲奇餅咁~~  仲有仲有.. 個批底一d都唔甜..唔係少甜,,係完全唔夠甜...

唉!! 我又懶醒做錯野啦....

個批... 點算?? 拎唔拎去俾人食好呢????