大少有時候會選擇留係屋企做野唔返公司
但佢一樣會準時起身, 梳洗好... 換埋衫就埋工作枱做野... (其實同返工相若)
期間我地係唔會講野咁濟..佢有佢專心做野,, 我有我自己上網, 整蛋糕, 去跑步!! 好似當佢透明咁~ 
唯一唔同既係... 佢會特突唔叫醒我..等我可以一路訓到自然醒!!
以我咁懶訓既性格.....我當然好似隻死豬咁訓到成十一點先識醒...哈哈哈 (越黎越唔稱職~)
當我起身後... 我就會準備煮飯!! 好多時都唔知當係早餐食好?? 定午餐好??
平時點半先食Lunch...依家提早十二點就食!!
所以..理所當然地下午四點幾又會好快肚餓~
今日我就準備左呢堆 "奇型怪狀" 既酥皮橽俾佢嘆下!!!
我自問創作力真係好差... 明明想努力造靚d既型狀... 但我真係無能為力... 所以做得好醜樣!!! (最下面個舊我係想扮蘋果批... 但好似有d勉強~~)
為"丙"承我們這一家... 繼家姐大少奶&殷伯母菇菇姐後...我都要做返個酥皮蘋果批!! 哼~~~ (不過我又一次失手,,,d餡又唔夠甜呀... 撞鬼!!)
另一款極力推介,, 大少食到'lam lam 脷' 不特止...仲話係佢咁大個仔食過最好味既酥皮批.....噔噔噔噔~~ "煙三文魚+吞拿魚沙律酥皮批"
熱辣辣焗出黎... d酥皮脆到一咬就碎... 好正呀!! 吞拿魚沙律原本己經係一絶~~ 再加多塊煙三文魚...仲唔無敵呀!!! 
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
做法好簡單,, 先買現成酥皮返黎... 然後跟住指示做啦!!
教完! haaaaaaaaaaaa
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
其實我真係跟住指示做咋!!!
佢教我切開想要既份量,, 再自已'顏'出想要既大小 (薄身d ).
然後放入自己喜愛既餡料...包埋佢... 最後係面輕輕掃上蛋液
用200度焗15-20mins. 即可!!
大少奶真係你家姐？定係情同姊妹？兩個都有心機煮嘢比另一半享受 ！
回覆刪除[版主回覆10/31/2007 23:33:00]haaaaaaa....法律上唔係,,, 但心理&生理上..我地仲似過親生姊妹!!
哈哈．．佢咁乖唔駛返office都會準時起身梳洗仲換埋衫嘅？
回覆刪除[版主回覆10/31/2007 23:33:00]因為佢真係好多野做呀!!! (我都想佢抖下倍下我..)
大少工作好認真啊
回覆刪除其實我覺得個批都ok啦, 只不過你呢期d廚藝高o左好多呀, 所以先唔順眼 ~
[版主回覆10/31/2007 23:34:00]如果你係一個只重耐在美既人..個批係OK架!! haaaaaaaaa
係醫院睇醫生既我做到梗頸四！Yeah!!!
回覆刪除[版主回覆10/31/2007 23:34:00]點解四要係硬頸四呀??
都唔係呀!!
回覆刪除我覺得好似出面賣個d喎!!
蘋果先用砂糖浸一小時應該會甜d...
勁病..勁眼訓的我上......
[版主回覆10/31/2007 23:35:00]你病就要好好休息啦!!!
都做好好喇，起碼你成日都願意行第一步去嘗試嘛，只要努力，一定得架．．．．．
回覆刪除我都要學習你呢份精神．．．．
[版主回覆10/31/2007 23:35:00]大家一齊努力啦~
煙三文魚批睇到我流晒口水呀!!!
回覆刪除[版主回覆10/31/2007 23:35:00]多謝欣賞
好好嘅, 煙三文魚批好似出面賣個d ah
回覆刪除[版主回覆10/31/2007 23:36:00]過獎啦~~
"換埋衫" --> 好認真呢!
回覆刪除你係唔係一路望住大少做o野 ... 一路好欣賞佢專心做o野o既charm 呀!
[版主回覆10/31/2007 23:36:00]我無理佢喎...因為佢真係好專心做,,都唔理我!! 我都唔理佢...哼!!
我層經都買咗一包酥皮返屋企諗住整.....
回覆刪除不過實在太懶所以擺到過哂期都未想整
[版主回覆10/31/2007 23:37:00]我D酥皮用完第一次,,之後個D都係擺到壞..所以我都唔會成日買
(Empty)
回覆刪除[版主回覆10/31/2007 23:37:00]thank you~~
我見到都 lam lam 利ar!!!~
回覆刪除happy halloween
[版主回覆10/31/2007 23:37:00]今晚有冇去邊到玩呀??
做法:
回覆刪除先打開包裝袋, 然後坐係度, 跟住開電影
最後...食得!
[版主回覆10/31/2007 23:37:00]嘩..你呢隻酥皮係邊到買架,,,D步驟仲簡單過我個包!!
色香味都有 ------ 仲話自己唔稱職 !! 呵 !! 你咁講 --- 我呢d唔做野嘅太太咪仲唔稱職
回覆刪除喂 ------ 你隻腳好返晒未呀 ????
[版主回覆10/31/2007 23:38:00]我其實好懶架~~~ haaaaaaaaaa (不過唔話你地知咋!!)
我隻腳無咁瘀啦..我都無理佢... 好返好多..多謝關心呀!!
俾你一提，原來我都有包現成酥皮係冰格喎，都要諗諗消滅佢先！
回覆刪除[版主回覆10/31/2007 23:39:00]記得啦..唔好嘥野!
Wow..yum..yum...
回覆刪除[版主回覆10/31/2007 23:40:00]thank you!!
吞拿魚同煙 3 文魚本身都好惹味啦，梗係好食架！
回覆刪除我以前都整過雞批，不過個餡要煮，煮左個白汁加 d 什菜同雞肉咁，都幾好味架！用現成批皮真係快-靚-正！
[版主回覆10/31/2007 23:40:00]雞批我又唔鐘意... heeeeeeeeee
我係獨姑一味鐘意呢兩款... 叫我再諗其他餡我都無乜心水啦!!
(Empty)
回覆刪除[版主回覆10/31/2007 23:40:00]thank you~
整得好好呀！仲話自己唔稱職！
回覆刪除[版主回覆10/31/2007 23:41:00]我懶既時候你唔知咋!!
複雜野留返你整比我食先得. hehe ~
回覆刪除[版主回覆10/31/2007 23:41:00]呢個好簡單喎!!
妹妹
回覆刪除我初初玩酥皮都攪到頭痕
初初成日都會晌唔應該彈起既地方彈起
或晌應該彈起既地方就唔彈
到而家都仲未掌握得好
但我好想食你個三文魚酥啊
家姐字
[版主回覆10/31/2007 23:42:00]家姐...
我同菇菇姐都覺得你整得好靚喎~~
唔通真係資質問題!!!
妹妹字
嘩﹗呢排好勤力，日日有出品，仲要係佳品添。叻叻﹗
回覆刪除[版主回覆10/31/2007 23:42:00]多謝你既讚賞呀..haaaa
你已經好稱職啦！除咗清潔姐姐黎個兩日，我日日都係瞓到自然醒架！
回覆刪除[版主回覆10/31/2007 23:43:00]我既自然醒可以好恐怖架...我可以下午兩三點先起身架!!!
回覆刪除cccc我都成日出貓架...難得我老細唔知又鍾意喎....哈!
[版主回覆10/31/2007 23:43:00]出咩貓?? 你指酥皮?
你大少欣賞就咩都得啦!!!!
回覆刪除你同你家姐一樣...都係噤 搞笑...
睇見你2個就開心啦...哈哈哈
[版主回覆10/31/2007 23:44:00]我有我家姐一半咁叻及有創意就好啦!!
其實個味 ok咪得 law, 大少都唔 mind ga la, 做多幾次就靚架 la
回覆刪除[版主回覆10/31/2007 23:43:00]有得佢食..佢真係唔mind..不過我覺得靚D食得開心D
哈~~果然feel 到晒你的幸福啦 呵呵~~~又識整野食
回覆刪除你的大少~~換埋衫...真係好認真喎...^^
[版主回覆10/31/2007 23:44:00]多謝你!!
努力練習吧
回覆刪除[版主回覆10/31/2007 23:44:00](Empty)
回覆刪除呵呵呵!!! 你被我 tag 中嚕!!!
http://hk.myblog.yahoo.com/cowboybluegirl/article?mid=2768
[版主回覆10/31/2007 23:46:00]又tag中... 欠人好多個未玩呀!!
整左喇 ... 整左喇 ... 多謝你呀, 老師! 快d過來睇啦!
回覆刪除[版主回覆10/31/2007 23:48:00]見到啦..好掂呀!! 叻女~~
Diana ~~
回覆刪除你既酥皮切開一半o甘黎引我
是必要令我揾野食
夜嗎嗎 其實唔係食宵夜好時候
不過你既酥皮極度吸引我阿
[版主回覆10/31/2007 23:48:00]你既奶油磅蟹先引死我呀!!!
立春妹
回覆刪除你個三文魚酥皮好正呀
不過我成日都唔敢買酥皮
因為龍少唔食, 我一個人會肥屎架~~
[版主回覆10/31/2007 23:49:00]咪咪吉...
佢唔食得你一個食又真係幾煩...
咁唯有等有機會我整俾你食啦!! haaaaaaa
立春妹
叻女叻女,
回覆刪除果然係我們這一家!!!!
你一定好快就搞得佢掂架.
甜味下次煮蘋果時試下味就無有怕.
喂喂, 家陣我最想做係酥皮龍蝦湯, 但我當然唔會用龍蝦, 會繼續 舢舨充炮艇啦!!!
搭訕: 家嫂:
喂我覺得你次次都整得d酥好靚啊!
一d都唔覺你掌握得唔好呢.
真係好靚啊.
[版主回覆10/31/2007 23:51:00]菇菇姐..
你知唔知我睇完你post出黎個酥皮湯..我都諗住用剩餘既酥皮黎整個酥皮湯呀.... 不過我屋企無晒海鮮..所以要過多兩日先!! haaaaaaaaaaaaa 真係心有靈犀~~~
P.S. 你家嫂簡直係"癲"人黎架... 乜野過佢手都會化腐樓為神奇呀!!!
哈~ 呢排個個都用現成酥皮，攪到我心癢癢，想買黎玩下tim
回覆刪除[版主回覆11/01/2007 04:43:00]其實偶然整酥皮橽食都幾正!! 不過成日食就真係好肥啦~~
我未寫完見你留言 ---- (我怕寫完一大編會無左 -- 所以一路寫一路編輯)
回覆刪除以為你update 左 ------- 諗住做返一次第一添
[版主回覆11/01/2007 04:43:00]完來你未寫完架...haaaaaaaaa
用現成酥皮真係好鬼方便.
回覆刪除[版主回覆11/02/2007 05:50:00]係呀,,唔洗自己搓餐死
其實用邊隻蘋果做果批都好有學問, 我就係蘋果都攞來試. 所以有時口感會完全唔同.
回覆刪除[版主回覆11/02/2007 05:49:00]我係用青蘋果,,因為書教用青蘋果"come"煮D..d味KEEP得到喎!!
下下!! 點解你唔自己整埋個酥皮,要買呀??係咪好難整ga!!
回覆刪除煙三文魚+吞拿魚沙律酥皮批~~ 一睇就知好正啦!~~
回覆刪除睇你整野食好開心呀!~ 雖然有時唔滿意, 但整比你個honey大少食就乜都好味啦-----況且我覺得你整d野食真係好正喎!
我以前在倫敦都好鐘意學整野食, 試呢樣果樣... 但自從小Aimee出世後, 最多都係煮D超簡單的菜式.. 反而蛋糕甜品都仍然有興趣, 可惜我隻大pooh唔太鐘意食甜品, 攪到我都少整喇~