雙面人!

返香港期間, 不斷搜尋唔同種類既烹任書藉...尤其係做包包既書..

書藉種類凡多,, 要搵步驟簡單易明, 但賣相吸引既麵包書真係唔容易...

最後係HK & 台灣共買左三本返黎!!

每一日, 一有時間就係咁睇係咁睇... 百看不厭... 每次睇都覺得好易整..黎黎去去都係個幾個主要既Step...今日終於得起心肝跟最下低個本"曾美子教你第一次做麵包"做左以下呢款包包~~

發烤前

做左基本既搓麵團, 發烤三次後.. 去到最後呢個step --- 最後發烤多一小時..就可以焗啦!!!  (我由下午一點做到黃昏六點先有得食呀!!)

發烤後

每次都好期待發烤既結果..因為如果無如期中漲一至二倍.. 咁好大可能呢個麵團係失敗!!! 所以見到發烤後漲大左既麵團..我會開心到係個廚房到彈下彈下...haaaaa

好啦... 準備去焗啦!!! (P.S. 麵包夾住個d係肉桂粉黎架!!)

噔噔噔噔.... 呢個就係我今日做既"楓糖合桃麵包卷"啦!!!  講解下個結構先~

焗既時候, 底層係鋪左一層牛油, 合桃& 楓糖, 然後再放一卷卷麵團上去 (如發烤前/後圖)... 焗完時出黎既效果就係會將個麵包反轉成為依家呢張相咁!

其實我自己覺得呢層楓糖合桃係有少少多餘...攪到個包九唔搭八咁.. 而且又唔見得有左佢特別好味!! 所以我下次會剩做包包個一part.. 慳返d工序!

焗到咁.. 我都唔知邊面係面.. 邊面係底???

噢... 我鐘意呢個卷卷型... 圓碌碌... 好得意呀!!! (圓碌碌~~)

好開心呀~~ 因為麵包既柔軟到完全掂呀!!! 真係無白費我既心機呀~~  雖然呢隻包要待涼後先享用...但微暖時食..一樣好味!!

最正係d肉桂味... 好香呀~~ 聽日早餐沖杯咖啡一齊食..應該仲正呀!!

...............................................................................................................................................

雖則話個包包咁成功... 其實都有美中不足既地方~~ Heeeeeeeeeeeeee

我做野咁大頭蝦...又成日懶醒..... 點會咁順利呀!!!

其實... 其實... 個包..................

個包..個包....面..

個包面....

.........

.......

俾我焗燶左架...haaaaaaaaaaaaaaaaaaaaaaaaaaaaa

咁樣衰既事原本想收埋唔講...但係又想俾大家睇下焗完後既另一邊... 其實都幾靚仔架..如果唔係燶左!!!

最衰都係自己掛住唱卡拉OK...遲左兩分鐘入去睇火就咁燒焦了!!!! 唉~