吊命袋

日前打掃完屋企一輪, 再去跑左一個鐘頭步... 返黎攰到嘔~~

沖涼前,, 真係係廁所嘔....

心諗,, 點解會咁攰呢... 無跑一個月步姐.. 唔洗攰到嘔呀? 更何況我滿心歡喜地覺得自己體力好左,, 無跑咁耐..呢兩日跑返都唔覺辛苦!!!

原來~~~

Auntie mama is coming! 唉...

呢樣野大家見到應該都唔陌生... 出產左起碼至少十年以上... 初初出, 家家戶戶必有一個!! 而且品質參次...平至廿蚊個..貴至百幾二百蚊個都有!!  都算係以前流行過一輪既生庭用品!! 

對上幾次返HK..冬天時見到永安仲有得賣... 當時心諗 : 嘩,,咁out既野仲攞出黎, 搵鬼買囉~~ 點知事隔數月,, 我自己突然好想要一個!!!  但再返永安搵.. 已經唔見有得買啦~~  真係..唔要時成日係你面前"泣泣揚揚"... 要既時候特登搵都搵唔到!

對上返去個轉,, 大少特登問阿媽知唔知邊到有得買呢舊野?? 點知真係... 家有一老, 如有一寶!!!! 伯母原來自己都有一舊傍身....  哈~~~

真係話咁快..就用得著啦!!!! 因為我每次M到個肚都會好痛... 痛到無晒心機,, 攣埋一舊... 好唔舒服!! 之前大少會用熱毛巾俾我放係個肚到舒援下... 又或者佢自己會係咁"初"暖對手放係我大肚腩上面....用熱野敷一敷..真係舒服好多!! (但用以上方法始終唔方便麻... ) 所以我地咪要買呢舊野囉... 講到呢到,, 唔會有人再問我呢舊係乜掛??

其實呢舊野以前個packing係正正方方,, 細包D架... 原身係水狀, 當你一"啪"一下佢塊銀鐵片時,,呢包野就會開始發熱... 約一段時間會變硬!! 如果想再翻用就要用一煲熱水煲一煲... 咁佢又會變返軟身!! 你地真係無聽過?? 唔通其實無HIT過,,只係我自己以為好hit??

呢兩日,, 佢真係我既"吊命袋"... 我去到邊都要帶住佢... 放係個肚到,, D不安呀..煩燥呀... 納悶呀... 一掃而空!!!  不過最衰就係唔夠兩個鐘又要re-heat一次先夠暖.... 有時都幾麻煩~~ 但總算好過無啦!

我身體一向尚算健康... 但點都有一般女性有既都市病!!! 如手腳冰冷.... 呢個暖袋好正... 我最鐘意用黎敷住我凍冰冰既腳趾...heeeeeeeeeee 好爽呀~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

同場加映....  Auntie mama comes 之 海鮮炒菠菜義粉

大蝦炒義粉.. 我知無新意... 唔舒服係咁上下架啦!!!  但大家稍安無燥~~~ 今次呢隻義粉係菠菜義粉黎架....

烚完D義粉試味時,, 已經食到強烈既菠菜味~~~ 不過俾我炒一炒... d海鮮汁當堂蓋過晒菠菜味... 但大少勁鐘意呢隻義粉.. 因為呢款義粉唔"索"汁.... 佢話炒得好乾身,, 好彈牙喎!!!

今日早左出post ... 原因係大少知我唔知舒服..今日唔洗我煮飯呀..heeeeeeeeee (佢依家係廚房煮緊...唔知會有咩食呢??)