幸福其實好簡單

新熱滾熱辣~~

啱啱跟Angel個食譜焗左呢個 "香蕉合桃磅蛋糕"....

超好味呢!!!

我新買既模較長..所以跟Angel既食譜黎做,,我做出既效果扁身d &長d!! 下次我會將份量加返1/3

焗到個皮脆...內裡軟熟... 好好味呀!!! 內有仲有合桃粒..但因為尋日個楓糖合桃包差唔多用晒d合桃..所以今次加得少少咋~

聞到淡淡既香蕉味...令我回想起幼稚園時代... 茶點成日都食香蕉蛋糕架!!

加埋大少為我沖既奶茶... 我兩一齊享用呢件新鮮既香蕉蛋糕~~  此時此刻, 覺得自己好幸福... 好滿足呀!!

Recipe (copy from Angel)

材料：（8x21cm蛋糕模1個分量）

熟透香蕉1隻、檸檬汁、冧酒各2茶匙、牛油100克、鹽少許、庶糖60克、蛋黃2個、蛋白霜料：蛋白2個、砂糖30克、合桃50克、低筋麵粉150克、發粉、蘇打粉各1/2茶匙

預備：在模中鋪上牛油紙。牛油放在室溫中軟化。粉類過篩。合桃烤過後切成粗粒。預熱焗爐170度。

做法：

1.用叉將香蕉壓碎，淋上檸檬汁和冧酒。

2.將牛油放入碗內，用木杓攪軟，加入蔗糖後用打蛋器打至起白色。將蛋黃逐個加入並攪勻，將1的香蕉加入去。

3.把蛋白放入另一個碗，加少許鹽打至起白泡，分兩次把糖加入。打成挺身的蛋白霜。

4.把過好篩的粉類的一半份量加入2中並攪勻，將3的蛋白霜的一半加入並攪勻。加入餘下的各種粉類，餘下的蛋白霜就分兩次加入，保持著起泡的狀態迅速利落地把整體攪勻，最後加入合桃。

5.將糕糊倒入模中，用刮刀在中間劃一道痕跡，然後沿痕倒下少許植物油。形成油坑。用170度焗約45分鐘。焗完後脫模待涼。(以我既焗爐..我焗左40分鐘, 因為怕又變焊燶蛋糕!!)

呢個蛋糕好易整, 又好味!! 我前後用左唔洗半個鐘就攪掂..大家真係不妨試下啦!!