感謝主~~
賜我有能力去做我想做既野.... 效果雖然無正宗既咁完美,, 但我已經好滿足!!! 
要煲到粒粒米都熟,, 粒粒飯都有口感,, 仲要有少少飯焦效果... 好難呢!!!
不過我仍然感恩... 因為我竟然可以係杜拜呢d鬼地方食到一煲熱辣辣既煲仔飯...
好開心呀!!!! 
材料好簡單,, 只有肉餅, 蠟腸, 窩蛋
係完全無準備既狀況底下... 洗洗下碗諗緊今晚煮乜餸好呢???
叮!!! 好想食蠟腸...不如用個瓦煲試下整煲仔飯~~ 雖然未試過..亦唔知呢個煲究竟煮唔煮到??
不過唔諗咁多啦... 橫掂時間尚早,,唔得咪轉軚食公仔麵囉!!!
初初煲時...d水收得好快..但d飯一d都未熟... 我又要不停睇火,, 加水.. 一邊攪拌..怕痴底!! 最麻煩係呢個瓦煲買返黎既時候已經講明唔可以用大火烹調..只可細火... 所以,, 我又怕d飯唔熟,, 又怕個煲會燒爛!! (都幾''呢hea'')
臨尾二十分鐘,,我將d蠟腸, 肉餅(牛肉) 放係飯面,, 用細火慢慢煮熟佢....
最後,, 睇個款好似好ok喎..仲不時傳出陣陣煲仔飯既飯香味... (帶少少焦味) , 臨熄火前將隻生蛋打埋上去,, 再蓋上煲蓋焗到半熟!
炒多個白菜仔... 簡簡單單又一餐!!! 大少好Surprise點解我會整左個煲仔飯出黎?? haaaaaaaaaa 老實講,,我今餐真係食得好開心!! 因為做到自己想食既野出黎... 雖然d飯煮得淋左少少(加得多水得濟!!)..... 但我地都食得好開心!! 可能又係無得食,,所以質數差都會接受啦...哈哈哈~~~
煲底都有飯焦既效果!!! 好好味~~ 天氣涼涼地..屋企冷氣凍凍地,, 食個熱辣辣既煲仔飯..真係好開心!!! 
下次要買多個大d既瓦煲黎煮至得,,,因為大少又投訴唔夠食!! 佢話呢個煲只係一人份量... 依家食到到喉唔到肺... 一定要encore呀!!! heeeee.... 見到佢食得咁開心.. 我都好開心呀~~
再一次!!! 感謝主~~
星期六有朋友來食飯, 佢帶左d臘腸俾我, 我都立即同飯一齊煮. 臘腸飯真係好好味呀.
回覆刪除[版主回覆10/30/2007 16:34:00]係呀...臘腸正!! 不過又唔可以成日食... 好肥呢!!
係時間去鏞記入貨lu~
回覆刪除[版主回覆10/30/2007 16:35:00]我唔知係邊到入貨呀??
我呢條臘腸係表姐送架!!
咁由開始到煮熟晒，要搞幾耐呀？我都想試下，不過要去買個 瓦煲先
回覆刪除[版主回覆10/30/2007 16:37:00]我用中火煮,, 收慢火煮,,, 不停攪,,睇火, 加水...見D飯半熟就放料入去一齊焗...全程應該用左大約半個至四十分鐘啦! (後期你見D飯成形,,就唔洗再理佢,,由佢慢慢煲乾收水就得)
嘩~我都好想整啊
回覆刪除好正
我最鍾意食ga啦
[版主回覆10/30/2007 16:37:00]你都試下整!!
唔知我下次會唔會搵煲仔飯做早餐呢?
回覆刪除[版主回覆10/30/2007 16:37:00]咁早!!! 自己煲,,好嘥時間喎~~
係時候食煲仔飯,最鐘意食有臘腸!
回覆刪除你自己煮好正呀!個瓦煲好靚
[版主回覆10/30/2007 16:38:00]我都係因為條臘腸先整咋..haaaaaa
多謝你既讚賞!!
立春妹,
回覆刪除可以在異鄉食到家鄉的食物, 真是好有意思!
今個星期六會凍可以煲啦! 我會加埋臘鴨脾入去煲！ 想起都流口水！
秋香姐上
[版主回覆10/30/2007 16:40:00]秋香姐..
係杜拜呢邊...雖然天氣仲係二三十度... 但明顯比之前無咁熱..又無咁曬!! 加上呢到中央冷氣好鬼勁...even我自己屋無開冷氣...出面lobby d 冷氣都滲晒入黎..好鬼凍!!!! 所以我地有時都會打下便爐,,食下d暖肚野...
我相信香港真係會涼好多..你要自己小心身體啦!!!
立春妹上
你又發現新大陸呀 ----------- 你可以自己研究點煮 ------ 好西利 ------ 我估因為大少好好 ---- 佢從來都唔會話你d野唔好食-----所以你可以放心咁試煮新野 ------
回覆刪除[版主回覆10/30/2007 16:42:00]哈...佢真係從來都唔會話我煮既野唔好食!!!
我都唔知係好定唔好,,,可能咁樣攪到我以為自己煮野真係好好味~~ HAAAAAAA
所以我都唔敢亂整其他人食..費事食到真相會好HURT!!
你有冇返教會架？
回覆刪除而家香港開始涼，又係食煲仔飯嘅時間呀！
[版主回覆10/30/2007 16:43:00]我無返好耐啦~~ 好想將來返hk定居後,,可以的起心肝返返呀! 你係咪基督徒呀??
我好想飯hk既煲仔飯... 尤其係大鱔!!!
下!你咁利害.... 連lee個都識整! 咁鬼勁!!
回覆刪除[版主回覆10/30/2007 16:43:00]識整..但無出面個d咁正呢~~
好似好好味喎 , 香港依家涼涼地我都要去食下先
回覆刪除[版主回覆10/30/2007 16:43:00]我都好想去食呀~~
香港今日都凍咗d....天氣凍...食熱辣辣既野最開心架喇!!!
回覆刪除[版主回覆10/30/2007 16:44:00]我已經想像到係hk,,,好多人都轉秋裝... 好開心呀~~
好勁喎!! 我都好鐘意食煲仔飯, 真係好香o架!!
回覆刪除你隻旦好大隻好吸引, 撈埋落D飯一齊食一定超正
[版主回覆10/30/2007 16:44:00]我都好想返hk食正宗煲仔飯!!!!
真係好"得"喎!
回覆刪除[版主回覆10/30/2007 16:45:00]其實d飯有d淋..唔係真係咁成功咋~~
妹妹
回覆刪除你好叻呀
晌咁熱既地方食煲仔飯，食完咪慶烚烚囉 ？
我都試過整煲仔飯覺得睇火最難啊
要好有心機，但我無耐性呢
我鍾意整潤腸雞飯架
家姐上
[版主回覆10/30/2007 16:49:00]家姐..
呢到既地方好鬼黑人憎...街就熱...室內就似雪房!!! d冷氣唔洗錢咁... 我棟大廈係中央冷氣.. 我自己唔開冷氣,,d冷氣都會係LOBBY滲入黎..好鬼寒架!!!
整煲仔飯真係要等心情好,, 時間夾先會整..HAAAAA (因為真係好嘥時間!!)
妹妹字
好得喎, 我試過個煲俾我煮完之後唔要得呀))))))))))))
回覆刪除[版主回覆10/30/2007 16:49:00]我個煲個底都燶燶地,,要用醋去起漬呀!!
你真有心機睇火啊.......
回覆刪除對我來講, 呢味野都係出街食好了
噢............懷念-ing 廟街的煲仔飯啊
[版主回覆10/30/2007 16:50:00]有得揀,,我都想出街食呀!!
你好叻ar!!~連煲仔飯都識整, 勁ar!!~
回覆刪除[版主回覆10/30/2007 16:50:00]叻咩呀...其實你都可以試下!!! 不過俾我有得揀..我都寧願出去食,,唔好煩!! HAAAAAA
你好叻呀
回覆刪除[版主回覆10/30/2007 16:51:00]Thank you very much!!!
你真係好心機! 我噚晚都係食煲仔飯,係田雞臘味煲仔飯不過係街食, 你個飯個樣都好吸引, and always nice to give your other half a nice suprise when they get home from work!
回覆刪除[版主回覆10/30/2007 16:52:00]我都想出去食D真係煲得好好味既煲仔飯呀!!!
其實除左因為想整俾大少食外,,最主要係我自己想食..haaaaaaaaaa
自己動手做煲仔飯，唔錯唔錯~
回覆刪除冬天我都好鍾意食煲仔飯~
[版主回覆10/30/2007 16:52:00]你會唔會自己煲呀??
我都 like 煲仔飯 , 自己一個人簡單又
回覆刪除方便 , 又好味又有營養 .
[版主回覆10/30/2007 16:52:00]但自己煲真係好麻煩!! 有得揀出去食好過..heee
越黎越叻~~~~ 唔怪得大少投訴, 睇隻碟大過個煲咁多就知
回覆刪除[版主回覆10/30/2007 16:53:00]呢個煲仔平時用黎裝餸或者食麵用... 所以唔夠大!!
下次我會去買個大D返黎~~ (不過又怕太大!!)
你咁有心機0既，我都鍾意食史上最殘忍0既煲-仔-飯架！不過我唔好蠟味，我食排骨個 d 得架啦！
回覆刪除[版主回覆10/30/2007 16:58:00]我原本想整豬肉餅,,我覺得會好味D...但屋企無晒豬肉碎...所以咪用牛囉!!
你真係好叻啊！搞到我都好想食啊！
回覆刪除你個瓦煲係邊度買架？我係呢度都想買個啊，但都見唔到。
[版主回覆10/30/2007 17:12:00]我個瓦煲係呢到有間叫做Daiso既日本鋪頭買架(其實等於HK JUSCO日本十蚊店個種)... 佢D野全部都係5 dhs...不過有D又會另外標價... 我呢個煲好似25dhs.(HK$50)
你睇下你個邊有冇!!
材料好簡單,, 只有肉餅, 蠟腸, 窩蛋 <--- 咁既餸都話簡單呀！我上次得排骨咋！
回覆刪除近日見菜菜子同你家姐整煲仔菜都好想整，但食家天皇都唔係屋企食，整鬼整馬咩！阿衰女又唔會整俾阿爸食！~~~
[版主回覆10/30/2007 20:15:00]衰女.. (其實我都係!!)
天皇唔係到..你都可以整架... 當練習囉..haaaaa
我諗你爸爸都好想試呢!!!
嘩!好好味的煲仔飯呀。 好...等我由試下弄先!
回覆刪除[版主回覆10/30/2007 20:15:00]好呀...祝你成功!!
立春妹妹要的話，唔好話陪呀！買埋俾你都得！
回覆刪除墨汁義粉味道真係隻隻唔同，有d好味d架！
[版主回覆10/30/2007 20:16:00]你成個義粉Expert咁...當然你捉埋你去倍我買啦~~
你唔好買埋俾我呀,,, 我要同你一齊去呀... 成機搵你倍我行街麻!!!
我都要去買番d臘腸整煲仔飯先得﹗
回覆刪除[版主回覆10/31/2007 02:45:00]你整完有咩心得話返我知呀!! 因為我都唔係整得咁好~~ 唔該晒!!
冬天一到又係食煲仔飯既好時間，我好鐘意食臘腸架，雖然啲好似肥左啲，但唔間唔時先食一餐，無所謂啦！
回覆刪除我平時就多數會用餅卡去換臘腸，個個牌子啲臘腸都算幾瘦架～
[版主回覆10/31/2007 02:51:00]我都係咁諗...偶然食一次唔怕啦!!
我買臘腸剩係知榮華咋..你指用餅卡換個間係美X, 定聖安X呀??
哇, o靚妹!
回覆刪除越來越有功力啊!!!
個煲仔飯好得啊!!! 你知呢d麻甩煲最o岩我架啦.
要煲得乾身仲有少少飯焦確然係難架. 你第一次就做到好厲害!!!
瓦煲一開始係唔可以大火架, 煲完熱辣辣你又唔好"喳"凍水喎!
好易裂架. 用得咁上下你記得留意有無裂紋呢.
[版主回覆10/31/2007 02:56:00]我都係試下咋... 第一次... 雖然D飯淋左D... 但都食得好開心..好滿足!!!
我個煲底都燶左,,我下次會用細細火煮架啦!!
我地今個星期六先開始涼涼地 ...
回覆刪除如果今日食我諗熱死都似
[版主回覆10/31/2007 02:58:00]我夏天都成日去打便爐喎..haaaaaaaa
煮煲仔飯雖然材料看似好簡單,不過真係要用好多心機先整到!你好叻!
回覆刪除[版主回覆10/31/2007 02:59:00]如果個日早煮飯..有足夠時間去慢慢煮就無問題~~
呢餐飯覺得好溫暖呀...!!
回覆刪除[版主回覆10/31/2007 03:07:00](Empty)
萬聖節快樂
回覆刪除[版主回覆10/31/2007 03:07:00](Empty)
Tag 咗你呀, 靚女!
回覆刪除[版主回覆10/31/2007 03:08:00]咩黎架,,睇下先!!
你隻蛋黃咁大係咪買XL蛋整﹖ 我都好想食煲仔飯, 但係我冇煲~
回覆刪除[版主回覆10/31/2007 06:28:00]我諗唔係XL ,, 係L咋...
平時我地多數買LARGE size!!
無煲呀... 咁真係做唔到煲仔飯效果喎.... 去唐人鋪有冇得賣呀??
真係好成功喎!!
回覆刪除你都有一手呀!!
要好有心機先做到呀!!
[版主回覆11/02/2007 05:51:00]HEEEEE..所以唔會成日整,, 好嘥時間呀!!
叻叻, 好味呀...
回覆刪除[版主回覆11/02/2007 05:51:00] 唔好笑我啦!!
噢~~你在杜拜?
回覆刪除因為老公在那工作?
[版主回覆11/02/2007 05:50:00]佢係我男朋友.. 我仲係黃花龜女黎架!!HAAAAAAAAAAAAA
好靚呀！連碟菜都好靚呀！
回覆刪除[版主回覆11/02/2007 05:51:00]THANK YOU
咁O岩O既我今日都係煮左煲仔飯呀
回覆刪除[版主回覆11/02/2007 05:51:00]係...等我去睇睇,,學下野先!
我老公睇見實話正... 但我怕食臘腸..
回覆刪除