臨別香港的晚餐

聽日就要返杜拜... 今晚同家人去Time Square 滬江飯店食晚飯~

實不相瞞... 今日係我返黎HK咁耐,, 第一次同屋企人食飯... 我Daddy都係到話我係大忙人... 返黎咁耐.. 日日唔見人!!!

唉... 我都唔想.. 不過一係就唔到時間, 一係真係約左人..所以推到今日,,非食不可!

原本想食$398/位大閘蟹套餐! 可惜我唔太鐘意食蟹... 而且又有小朋友係到, 所以最後揀左$1,3xx既四人餐食!

頭盤 : 四式拼盤

我最鐘意食海折頭!

我唔知呢個名係乜?? 總知都係蝦... 好好味!!!

大少最愛 ~ 海蔘!!

Daddy問我做乜唔係杜拜自己煮海蔘食??  我心諗 : 嘩..平時煮普通飯餸都攪到我一頭煙...仲要我整呢d咁複習既野... 咪攪我!

大排翅... (我係妹仔命... 唔鐘意食翅唔鐘意食鮑魚....燕窩都ok..不過我覺得雪蛤膏好味d..HEEEEE)

南瓜竹笙蘆筍卷.... 好味.. 但太少!!

唔知係乜魚?? (我唔記得用cindy教我個招影低個Menu..返黎咪知自己食過乜囉!)

最後係小籠包... 我覺得頂泰豐個d好味好多~~

套餐包左高力豆沙做甜品.... 當然美味非常啦!!!

但我好貪心...另外再叫左豆沙窩餅&銀絲卷~~

我成日都同自己講...去到杜拜無得食架啦... 所以有得食要食多d..haaaaaaaaaaaaa

食飯其間....daddy不斷問大少我係杜拜有咩做? 因為係daddy心目中..我係一個又懶又亂既人... 從來都唔執屋, 連飯都唔識煲!!!

當大少答佢 : 佢執到間屋好整齊架!! 日日煮飯都唔同款架~~

我daddy 依然話 : 我唔信!! 我懷疑佢平時放上網個d食物相唔係佢做... 打出黎d食譜多數都係亂作!!!

OH..... 原來我係我老豆心目中真係咁無用!!! 不過算啦... 橫掂我係一個鐘意向Daddy 撒嬌既人...daddy唔信我識做咁多野都無所謂... 仲好!!! 我咪可以繼續係佢面前扮野...乜都唔做..只做佢既寶貝女囉!! yeAH~~

聽日要走啦...依家半夜四點我仲未執喼...