泰簡單 之 一D都唔簡單!

呢間位於銅鑼灣總統戲院樓上既"泰簡單" 係我第二次去幫襯!

好容易搵... 就係總統戲院隔黎坐life上頂樓就係

第一次去食都已經覺得食物款色多而創新... 味道當然係好唔錯啦~~

今次返HK帶左大少去試下.. 連佢都話好正..

餐廳日日都好Full...有心去既朋友最好先訂位! (係到要唔該當日幫我攞位既Kit Kit!!)  呢到有分室內&室外既座位... 依家天氣開始涼,, 都可以試下座室外!  每晚九點後仲有Live Band演唱 (不過都幾嘈~)

以上係每款菜式既獨立照!!!  

冷盤有蟶子沙律 (由於佢D名改得好騎呢... 我唔記得啦!!) , 之前試過好正!! 今次再返炒... 好味!!

仲有影得好黑, 一"pack"野個碟係蝦沙律... (可以唔叫!)

大少至愛冬蔭功湯... 都幾辣!! 但大少飲得好開心~~

仲有..仲有..有個唔記得咩名既炒飯!!

 & 兩杯睇個名完全唔知係乜既特飲~

特別介紹係呢碟名叫"泰霸道"既菜式!!! 其實即係咖喱炒蟹... 不過佢將D蟹肉一早拆晒出黎mix左係D咖喱到... 所以你唔洗去自己剝殼... 就咁用匙巾"拔"黎食已經係啖啖蟹肉!!!! 加上佢伴碟有d 類似暴暴飯焦、印度薄餅、炸物、炸葉俾你點d咖喱汁黎食... 真係名附其實既"泰霸道"!!!! 

呢隻暴暴飯焦配咖喱炒蟹汁超讚呀!!!!!!

基本上就咁一碟"泰霸道"已經搶晒風頭... 我地坐近門口位.. 每次行經我地既客人都會" 嘩... " "嘩... " "嘩...."  嘩既原因可能覺得呢碟野真係好大碟...又或者係好佩服我地兩條友叫咁多餸!!!

其實我地都唔想... 只係我地唔知呢碟野咁鬼霸道...就咁食佢都飽死!!!!  最後由大少包底咁完成左七成~~

我極力推介呢間餐廳俾大家.. 尤其一大班朋友去食飯... 一來呢到夠嘈,,  一大班人HeheHaha 實唔會俾人歧視!! (各位長舌姊妹... 可以一試..heeeeee)  另外就係呢間餐廳真係好鬼多騎尼創新既泰菜... 如果一大班朋友去..就可以叫多d黎試啦!!!

叫左咁多餸...埋單六百幾!! (個蟹約二百幾蚊~~)

報導完畢!! 交返個台俾你地~~