蒜香煎大蝦蝦義粉

新鮮熱辣的晚餐 - 蒜香煎大蝦蝦義粉

尋晚心血來潮好想食意粉, 雪櫃有大蝦,, 一心諗住整蕃茄磨菇大蝦意粉....

一路整個心都係朝住呢個目標去做!  連蕃茄義粉醬都攞埋出黎, 開埋蓋.... 點知, 我煎完大蝦後, 見D汁仲有少少剩,, 好香呀~~~ 有蒜香味之餘, 又有蝦味,, 就咁倒左佢, 好side料呢!!! 

就係咁, 我堂軚轉得快過拓海

.... 一轉, 就用剩餘既汁炒埋個義粉!

效果出黎, 相當美味~~ 真係無得頂!!!!

  所以, 我一定要趁仲記得點煮, 啦啦聲寫低同大家分享 (其實係怕自己第時唔記得曾經煮過呢味菜!)

大少食到'lam lam脷' , 係咁問我仲有冇? (sorry,,我地減緊肥, 乜都有少無多喎)!! 食完唔夠五分鐘, 佢又係到嘈話唔夠飽, 係到投訴我煮得太少!!!

 

雖然在減肥中的我, 都夾左好多義粉俾自己...  因為實在好好味呀!!

南極企鵝... 呢個唔難煮架, 你可以試試~~~

材料 : (兩人份)

大蝦 ......... 七至八隻(視乎個人喜好)

蒜頭 ......... 切粒 (for 起獲)

蘆荀 & 磨菇 ....... 適量(視乎個人喜好)

預備功夫 :  

1) 先將大蝦剪腳去腸, 洗淨瀝乾, 然後用鹽洒在每一隻蝦上醃30分鐘

2) 蘆荀及磨菇洗淨, 蘆荀切段備用

3) 調味料 for 煎蝦 : 喼汁 ..... 1湯匙, 水 ..... 少量, 黑椒... 少量

4) 調味料 for 炒義粉 : 鹽, 喼汁, 鼓油, 黑椒 各少量 (自己試味而衡量)

做法 :

1) 先煲滾熱水, 落少少Oliver Oil..少許鹽, 將蘆荀及磨菇焯熟, 撈起備用 (大約滾3-4分鐘便可!)

2) 繼續用同一煲水, 放入義粉煮熟(視乎不同種類的義粉來決定煮幾耐!) 但寧願有少少硬都唔好太林 (約5-7分鐘), 撈起用凍水加冰浸住, 備用 (凍水加冰可令麵質較彈牙)

3) 落油燒熱獲, 落蒜粒爆香獲, 將大蝦放入以大火每邊煎至變色, 其間加入調味料..煮熟大蝦 (約10分鐘, 唔好煮太耐,, 蝦會un)

4) 最後, 將蝦先上碟.. 義粉倒入餘下醬汁內炒熱, 其間再加入調味料炒勻, 即可!

我本身好鐘意食帶微辣既食物,, 例如彊既辣, 黑椒既辣 .... 野味得黎又唔會蓋過原味,, 所以呢個真係好正架!!

希望你地有機會都試下啦!