Day 2 P.M.
去完羅浮宮,,, 隨便食少少野就趕去下一場 ------- 奧斯博物館 (Musee d'Orsay)
呢個博物館雖然無羅浮宮咁大... 但絶對唔差! 本身由火車站改建而成, 亦係巴黎最大規模既museum 之一... 比起羅浮宮黎講, 其實仲好行!
入到去真係見到火車站既外型, 設計相當靚架~~
最令人觸目莫過於呢個大鐘... 好Grand架!
雖然內裡展品同羅浮宮差無幾... 對於毫無藝術細胞既我黎講... 都覺得值得一去! 唔好諗住入去睇藝術品既人就一定好陶醉藝術... 好多人都頂唔順, 坐係到抖下 OR 吹水!! (我地都係其中之一..heeee)
呢幅特登要post出黎俾大家睇!!! 呢D係藝術畫... 我好疑惑個畫家係照住人黎畫定自己想像畫出黎呢??
邊有女人肥到有三四層肉咁突出黎架?? 你估真係'米芝連'咩!! 係奧斯博物館出面仲有好多地攤... 有賣唱, 賣藝, 賣畫... 好多人都坐係到聽下歌... 傾下計!! 幾舒服呢~~ ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
下一站... 龐比度中心 (Centre National d'Art et de Culture Georges Pompidou)
首先, 本人係極度唔推介呢個中心俾大家.. 因為實在係無野睇兼且唔近Metro..行死人! 俾佢外型呃左!!!!! 唔係Pass 包埋,, 我都唔想去~
入面有五層(好似係~~) 但得第一層係Museum... 而且入面擺放個D真係好現代.. 抽像都爆既作品... 例如, 一幅藍色..乜都無既畫... 只係藍色?! 唔知想表達D乜... 可能我真係無乜藝術天份~~ 以上係稍為覺得會望多一眼既作品.... 真係到此一遊照!!
呀... 由於全館外場係透明設計, 所以去到最高個層, 可以佻望景象... 都算係值得一讚! 呢個作品最得~~~ 容易明白麻!!!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
之後趕去聖母院大教堂其間見到咁靚既日落景..又點可以錯過影幾幅靚相呢~~ (塞納河上)
聖母院大教堂... 真係好一間好壯觀既教堂.... 從外望,, 外牆一磚一石都雕好細緻... 入到入面更加令人嘆為觀止... 好奇怪點解以前D人咁勁可以起咁大間教堂,, 仲要係起得咁精緻!!!
想點呢D candle要5蚊歐元一個... 俾信徒對教堂作一點心意~~
就係咁樣... 一日踩四個場....攰到橽皮!! 呢日行既路足足等於係杜拜要行一年既路~~
沒有留言:
張貼留言