預防措施!!!

一直以黎都覓識緊一副浮誇既太陽眼鏡

浮誇唔一定代表要名牌 or 貴野

今次浮誇既意思係誇張!!  我要買既款式係大大副, 懶係似明星個隻!

原因係.......... 呢到D太陽實在太猛烈, 我D雀斑就黎生到落下巴啦!! (日日擦40度防晒都唔掂!) 

加上過左黎呢邊後, 我已放下同我相依唯命既化粧袋, 每日都無再化粧出街!!

因此, 我必須買一副大大大烏英太陽眼鏡黎幫我出街時遮住 d 太陽直接射落塊面到;

相對... 亦幫忙遮住自己d雀斑直接射落人地對眼到!!!

一路搵, 一路搵..... 今日終於俾我搵到副自己覺得戴落唔差又付合我要求既太陽眼鏡啦~~~

噔噔噔噔.... 我見到個眼鏡盒時嚇左一跳! 洗唔洗咁大舊呀???  去街點放入袋呀??? 

我買左返屋企先知原來鏡片係紅色...好彩呢隻色都唔難襯 , 否則係真係狂插自己死蠢又買錯野!!!

係咪好大副呢~~~  焦焦焦... 紫外光

,, 黎啦~ 我唔怕你架!!!!!!!!

哈哈哈哈... 你地覺得好睇嗎?  不過各人眼光唔同,, 我d同事話我似烏英, 又話我似咸蛋超人...

車!!!! 我鐘意咪得囉~~~~

(P.S. 請幫忙唔好問我幾錢,, 費事俾我老豆見到!! 如對眼鏡有興趣, 我私底下先話你知啦

~~ 唔該!!! )

號外~~ 號外~~ 呢兩日阿布達比既天氣熱到無淪... 最新消息, 今天氣溫為 47度 ,, 八月中至尾為重災區... 上年紀錄為51度, 今年唔知會點?? 好驚好驚....