香烤雞翼焗白汁義粉

舊作一則 - 香烤雞翼焗白汁義粉

呢隻義粉o係係未搬黎新屋時整架... 但唔知點解一直都無POST出黎同大家分享!  係我記憶中, 呢個意粉係好味道的....

雞翼先焗起, 義粉另外煮熟... 最後將兩者合併,, 鋪上白汁, 加上自己喜愛既粟米&磨菇... 放入焗爐作焗10至15分鐘.... 出黎既效果就係焗義粉既配塔, 如果加上大量既芝士, 效果會更令人興奮!  不過... 咁肥既野, 我唔適宜做!

雞翼焗到個皮有少少脆, 但又唔會燶,, 呢個技巧對我黎講唔容易... (因為我成日都焗到過左火位!

)

一碟熱辣辣既焗義粉, 已經滿足到我地倆口子既胃口啦!! 

做法其實真係仲簡單過尋日個款... 將雞翼以個人喜好方法醃好(一般用鹽, 香草 / 蜜糖 / 鼓油等適隨專便), 放入烤爐以200度焗20-25分鐘(視乎火力), 義粉煮林(當然唔好太林) , 最後將義粉倒入焗盤內, 鋪上白汁 (白汁我用罐頭個隻!) 加入粟米及已焯熟磨菇, 再將雞翼放上面一齊再以180度焗10分鐘即可!

鐘意可以再洒上芝士係面放入去焗, 就有白汁芝士效果架啦~~