Day 5 - last day in Paris ~~
終於玩到最後一日啦~~~ 唔捨得?? 無喎,, 不過只係好唔捨得大少又要返公, 唔可以24小時都倍住我姐!! 但我知做人唔可以咁貪心... 佢唔返工, 邊有錢去旅行呀... 反而, 好掛住屋企張床&間屋..好想快D返去好好休息... 因為呢幾日實在太太太太太攰啦~~ 好不容易先約到Paris Bloggers出黎聚一聚... 因為手提電話上既問題, 遲遲都未能約實, 原本都打算放棄..不過好好彩, 今日大家都有時間,, 咁緊係唔可以錯過呢個機會啦~~
首先, 都要多謝尤妮斯 & 草菇老抽 既熱心幫忙, 提供資料, 我地先可以玩得咁順利! 你話點可以唔約出黎親口道謝呢~~ 雖然見面時間唔多, 但大家都傾得好開心... 亦俾我知道左好多法國人既生活習慣,,, 有機會,, 真係想再約出黎慢慢再傾過! 當日天氣真係一反常態... 唔再陽光普照... 難道我地真係咁好彩, 一黎就好天, 一走就落雨??!!
不過, 橫樹無野做, 同bloggers食完lunch, 再去老佛爺見識下... 就再次急急腳趕去鐵塔.... 因為我一直都未試過上鐵塔塔頂, 今次一場黎到, 真係好想上去睇睇....
但當日既天色真係麻麻,, 我地排左45鐘隊先上到鐵塔頂... 好多人呀~~就咁排隊都攰死我地啦!! 當日係星期一, 都咁屎多人!! 我尋日仲同大少講笑話, 咁多人排隊坐lift..不如我地行樓梯! 好彩大少阻止我呢個諗法咋... 如果唔係 , 我實魂斷鐵塔!!!! 係鐵塔望落去, 有一個好靚既公園... 遠望無乜特別.... 但大家望真D....
原來係第二格草地上, 有人好用心咁整左個心型圖案出黎(雖然咁樣係破壞公物!) 唔上鐵塔望返落去都唔知有件咁得意既事.... 唔知事主係咪為著討女友歡心而做呢?? 抵死得黎.... 好浪漫哦~~~ 其實去到塔頂望落去時, 我個心都真係離一離... 因為實在太高啦!! 我年紀越大真係越細膽... 連影相都好怕部相機會跌落街.. 所以我都係乖乖地望下景算!!
呢張係無zoom既時候影,, 用肉眼望都見到海旋門!! 但呢張就係用大少部相機zoom黎影既海旋門,, 係咪都好清呢...幾強勁喎!!!
係鐵塔玩完一輪認路後.. 好肚餓,, 啦啦聲買個格仔餅醫肚先,, 4.5歐元,,, 唔理啦, 熱辣辣, 好好味( 不過好甜!)
去完鐵塔又要急急腳趕返酒店攞行李走人lu 
(一心以為!)
呢個五天精華遊總算完滿結束,, 只係世上既事往往係預料唔到姐!
沒有留言:
張貼留言