我的戰利品@Paris

其實今次去巴黎真係無乜點買野... 因為樣樣都價錢驚人

!!! 而且一般都係D擺設, post cards, poster, 畫等等...

又貴又唔係真係好有用,, 所以都費事買!

之不過, 作為一個唔慳家既我,, 又點會真係乜都無買咁兩手吉吉咁返黎~~

好多blog友連日黎都問我, shopping買左D乜呀? 有乜戰利品呀? 

今日, 同大家拆開謎底啦....

~ 連日來見到幾靚既磁石,, 所以都買左五塊! (因為磁石有用麻, 大少又話幾靚咪買囉~~

) 

~ 仲有買左三張Postcards, 一張寄俾HK個Best friend (其實有好多朋友都想寄,, 但身在遠方既我又點可能記得晒你地D地址...唯一我個Best Friend住我樓下, 我咪記得囉!!)  一張寄返杜拜俾自己 (同大少相討後, 決定以後每去一個國家都會寄一張當地名信片返去俾自己, 作為我地一個紀念... 將來希望個board可以咭滿我地既旅遊回憶

~)

~ 仲有個聖母院大教堂擺設,, 大少話要買架 (shopping唔係女人既專利

!)

~ 臨上機前亦都買左少少法國食品作手信及自己享用!!!

第二批斬獲!!!  聽人講法國Avene呢隻牌子係法國買比起香港買平成一半... 雖然自己未用過, 但我都唔執輸買左一推護膚品... 原來真係好鬼抵... 六樣野都係港紙六百蚊有找! (問過有用過之人仕, 好彩口啤都唔錯!)

兩面唔同圖案!

呢個環保袋,, 買既原因因為唔太貴,, 歐元23蚊,, 夠大又colorful, 最好係可以孭係膊頭....方便我成日飛黎飛去時, 將D Hand carry 塞晒入去!  (自上次個喼超重後, 要我係喼到執返咁多野出黎, 我以後都會準備定D大袋係喼.. 以防萬一!)

黎到LV 旗艦店... 一心都係去睇下&幫朋友買袋...因為真係無乜款想買... 但你都知啦.. 入到去,,等sale等左咁耐, 咪左望右望囉... 俾我發現左佢!!! 又幾特別喎~~ 

唔係一般傳統pattern, 可以斜孭, 又可以手攞,, 孭埋係膞頭都得..   個Sale話係新款.. 問下大少意見後, 佢都覺得唔錯... 買啦買啦買啦...  

好睇嗎???

我都好好架,, 知大少倍左我行咁耐,, 而佢又一向都唔會話特登買咩貴野俾自己, 所以我都揀左一份啱佢用既野, 然後自動獻殷勤話送俾佢囉

!!!  可能佢見我買得咁開心.. 原本話唔要唔要, 最後都俾我說服到佢要...呵呵... 佢又有買, 我又有買,, 咁我既罪惡感咪無咁重囉!!

其實今次相比.. 真係買少好多野啦... 之不過有個大問題!! 我今轉返香港,,要攞成三四個LV袋返去,, 都咪話唔甘!!!! (朋友,, 記得好好請我食飯~~)