Day 4 - 蒙馬特區 (Montmartre), 聖心教堂 (Sacre Coeur), 香榭麗舍大道shopping & 巴黎鐡塔(Tour Eiffel)
當日既行程較為輕鬆好多... 因為2 Day Pass 已經到期, 要行既Museum都行得七七八八... 所以可以好隨意咁安排行程! 就係咁, 大少趁呢一日較空閒...俾左錢係酒店上網, 做一做公事... 我地大約十一點先從酒店出發! 蒙馬特區係原先無plan住想去, 但因為取消左去迪士尼呢個行程, 所以又有時間去睇下啦~~ 原來都好熱鬧,, 好明顯係遊客區, 因為勁多買手信既鋪頭,, 而且仲有街頭騙案 (呀,, 唔係.. 只係有d人係街頭玩用三隻杯, 其中一隻有個波... 估仲邊個杯有波就賠錢個d... ) 總之... 熱氣都十分唔錯!! 呢個係聖心教堂... 比起聖母院大教堂都唔差架.. 我覺得入面仲宏偉... 好彩有黎到, 唔係就走寶!
不過由Metro一路行, 行上聖心教堂, 又是一條長長的樓梯... 當日天氣又係好到不得了, 熱到我呢~~ 真係唔多想影相!蒙馬特除左有好多黑人撩你織手繩外, 仲有街頭賣藝,, 另一邊更係數唔盡之多既畫家擺晒檔口幫遊客畫畫~
係呢到spend左大約兩至三小時食埋個lunch , 就去返位於香榭麗舍大道既LV到掃貨!!!
補充 : 其實可以用Carte Orange車票坐纜車上去教堂到 , 咁就唔洗行得咁辛苦....原來法國既法例規定, 每商店一星期必須有一日係休息... 多數鋪頭都係休星期日(所以星期日係法國係超悶... 連supermarket, 好多食店都唔開) ! 有D可能星期日照做, 但就休星期一OR二... 但只得LV一間咁巴閉係可以全年無休!! 賺死佢~~ 係LV 逗留左2個鐘... 唔係我買野買到唔捨得走.. 只係真係太好生意.. 根本好難搵到一個sale得閒招呼你!! 當我問野既時候.. 有個貌似基基地既男人竟然同我講.. 小姐, 我手頭上已經有五六個客serve緊.. 你可唔可以搵第二個Sales~~ 
真係唔志在做你生意!
我地第四日既選擇,, 又係LEON..haaaaaaaaaaaaaaaa 經過連日來既洗禮, 我地都唔再理會價錢, 一人一份, 再加一人一杯cola~~ 食飽先算! 我住間酒店對面既景色... 好多食肆架,, Leon就係左手邊... 咁近,, 難怪我地成日心癢癢!!
今次個trip...最敗畢既係!!! 我地竟然忘記帶腳架~~~ 我連牙線都記得帶...但竟然忘記我地既好幫手... 想即時買個又搵唔到.. 所以今轉旅行好少合照,, 夜景都影得無咁靚!!!橫掂都影得唔清,, 將錯就將.. 我影左一堆怪照~~ 巴黎鐵塔俾我影到反轉再反轉!!! 鐵塔真係好壯觀.... 不過當晚太多人啦... 無精力再排隊坐lift上去,, 唯有等聽日又再黎啦~~有段片超靚, 想同大家分享,, 但過左MB數.. upload唔到, 好失望呀!!! (有冇人可以教我點將段片縮細D??)
沒有留言:
張貼留言