濟留法國~~ (返左屋企啦!)

原本坐尋晚10:15pm機由法國飛回阿布達比....

我地一早放棄食多餐LEON既機會, 早早到機場辦理退稅及Check-in手續!

七點可憐既大少已經搬住個喼行黎行去....

退稅及check-in手續都花上不少時間, 最後... 我地都係空肚上機, 連想買份三文治食都無機會!

上到飛機已經混身唔自在! (一來攰, 二來都係攰, 三來又攰又餓!)

等.....等..... 等....

好唔容易等到10:15分..但仍然未開機,, 再過一段時間.. 終於開咪擴播話!!

架機有問題, 正在維修緊!!!!!!

又繼續等等等..... 一等, 已係四小時後!!!

頂!!!! 半夜兩點啦,, 我仲係架機到唔知做乜???

最後... 啱啱訓著既我, 又聽到四周不停有聲,, 聽真D.... 原來叫我地攞返自已hand carry落機去攞返行李!!

攪黎攪去... 零晨4點先到酒店.. 沖完涼即刻瞓著~

好奇怪??? 白等左咁耐... 竟然無人起哄, 無人不滿, 無人投訴...

全程既人只係heeehaaa咁等等等~~

當我身在法國戴高樂機場門口等旅遊巴時,, 個心不禁諗起呢首歌~~

鐵塔靈魂... 望不歡欣人面~~

(跟住唔識唱)...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

依家係八月八號杜拜時間零晨三點十分~

終於係中午安排坐五點機飛返黎Abu Dhabi!

攰到死... 兼且仲要因為架機係特別班次, 所以無飛機餐預留俾我地食!  (但有所謂既Light meal... 就係用四塊芝士夾既三文治! 以為夾左四塊芝士厚D扮豐富就可以令我屈服! 我啤~~~ 唔食呀!)

一到Abu Dhabi機場, 成個人放鬆晒! (因為每次去旅行都要提高警覺!!)

到家個一刻,,, 真係好開心!!!

第一時間, 喼都未打開... 我已經同大少入廚房煮出前一丁食 (加煎蛋&雲吞)

yummy~~~~

天下間既美食,,, 就係我碗雞蓉味既出前一丁!

我同大少講, 呢碗麵係法國食... 要150蚊!!!  加多罐可樂~~ 多謝200蚊呀

大少好認真咁回我一句 : 嘩... 好抵食呀~~~

P.S. 多謝大家既留言!!! 請饒恕我未有時間一一回覆.. 過埋今晚, 我應該會回復狀態, 日日去你地到踩場架啦~~~ 等我呀!!!