Day 3 .... 繼續行Museum.... (梵爾賽宮 & 凱旋門)
當日天氣好得不得了,, 陽光普照得令人心礦神怡!! 
一早係酒店食過早餐後, 便乘坐RER往較遠既梵爾賽宮.... 當日係星期六, 就算有pass係手既人, 都一樣要排一條長長既隊先可以入去...
梵爾賽宮面積真係好大,, 入到去...感覺有D似哈利波波拍戲場景咁... 好多畫 & 雕塑... 可能經過前一日既不斷觀賞藝術品既經驗, 當日望住梵爾賽宮既作品, 感覺已經無咁震憾.. 反而覺得有內容唔夠豐富! 
好多人呀~~~ 
我地係到諗, 以前已經有咁多吊燈 或 燈飾..但當時期應該係未有燈膽呢樣野, 全部都應該係用爉燭!! 如果係咁,, 咁多燭台,, 咪有排點??
其實Main building好快就行完, 之後我地揀左去 瑪麗皇后個花園行下!!! 但其實瑪麗皇后個花園係好遠架!! 我地行行下先知捉蟲!!! 又熱又晒... 真係想死~~~ 
其間經過一個好大型既水池... 都幾壯觀!
好彩沿途D樹都修剪得好靚,又可遮陰... 係香港係絶對唔會見到種滿咁綠, 咁多, 咁齊既樹... 橫掂唔趕時間.. 我地就慢慢享受呢種自然氣息.... 行到攰時, 又坐係一邊抖涼... 都幾寫意架! 
終於入到瑪麗皇后個花園.... 我諗一個咁既花園都大過維園!! 點可能仲有精力行晒... 隨便行左個兩個教堂就要折返啦.... 如果唔係.. 我會死係瑪麗皇后個後花園到!!! 
你地睇下個天藍到~~~ 
下午三時多離開梵爾賽宮... 又係隨意食少少野就算... 以上呢餐, 多謝兩舊水埋單! 唔夠飽都唔捨得食咁多,, 唯有''辣'緊皮帶當減肥啦!!! 
Next Station ~~ 凱旋門
以前細個時黎過, 都無真係行上頂....今次有pass...當然唔可以錯過!!!
全層有45米..大約二百幾級...初初以為好少野.... 行到一半都開始氣喘!! 落返黎仲腳軟添~~~ 只怪自己平時唔做多D運動,, 依家咪'賴'野囉!
咁辛苦上到去,, 笑唔出都要影張相... 可以佻望香榭麗舍大道 & 遠望巴黎鐵塔...
原來巴黎既道路規劃都幾整齊.... 睇黎.. 香港好似最亂!!!
真係好鐘意個天好藍呀~~~~
行完凱旋門.... 順便再去香榭麗舍大道行下...可能時候不早 (雖然個天仲光) 好多shops都閉門啦... 各位放心... 難得黎到名店街, 我又點會空手折返,, 今日無野行.. 聽日再黎過!! 哼~~
照書本推介, 我地係香榭麗舍大道一間法國餐館享受美味晚餐黎作一天既結束...
海鮮餐好好味... 雖然價錢唔平,, 但份量多而且新鮮 (至少有四款生蠔).. 所以我地都覺得呢餐比起七十蚊一份麥記餐已經算係好抵食架啦~~
沒有留言:
張貼留言