健康之選 --- 蕃茄磨菇雞脾飯
尋日去完做Gym返到屋企沖埋涼都成12:30p.m. 急急腳又要煮lunch俾大少食, 日日都要煮, 煮乜好呢?? 其實真係好頭痕!! Lunch又唔想食得咁豐富, 煮得豐富過晚餐, 又驚晚餐諗唔到食乜? 所以我平時既lunch多數都會煮碟頭飯! 有少少係街食既感覺, 茶餐廳Feel麻..heeeeeeeee
為配合減肥中既"我地" (無錯, 其實大少都同我一齊減緊架!!) , 我就精心炮製左以下既蕃茄磨菇雞脾飯!
蕃茄 - 低糖且高纖維蔬菜類, 蕃茄內的茄紅素亦有抗癌療效!磨菇 - 菇菌被公認是高蛋白、低脂肪的健康食品，含有豐富的維他命及各種健康成份，有助抗癌、降血壓、防流感及減少貧血等情況，益處多多
雞肉 - 含豐富蛋白質及人體所需營養 
蕃茄汁不嬲係我既至愛,, 開胃又好味, 再加少少黑椒吊味!! 正~~
將隻雞脾去皮, 洒上鹽、香草、少少喼汁, 唔洗落油 (好健康呢~~~),, 用石紙包住以200度焗20-25分鐘! 另外將蕃茄切粒, 連同磨菇一齊炒香, 加少少蕃茄味的義粉醬 or 茄汁, 少許糖 & 水, 就完成左個汁, 即可上碟!!! 
呢隻雞雖然無用油炸或煎... 只係用鹽作調味, 但因為隻雞本身會出油出水,,, 所庂出黎既效果都好嫩滑架! 
係咪又方便, 又健康呢!!
雖則話扮茶餐廳食碟頭飯姐, 但絶對唔可以學茶餐廳咁得個幾條菜咁少 
由於要減肥, 所以凍O茶, 凍O樂, 凍+啡, 一律停止供應!!! 不便之處, 敬請原諒~~ 
,, 另外再有一碟蒜蓉炒時菜! 攪掂..完成~
夾都冇咁啱, 我正在食烚生菜, 見到你d生菜即刻好有親切感.
回覆刪除你一日要煮三餐都好唔得閒，我一日煮一餐已經覺得好辛苦
回覆刪除你煮這些食物的時候是跟食譜還是自創的 ??? 間中減下肥都好呀!!! 唔係因為你肥呀 --- 係因為食得健康d呀 !!!!!!!
回覆刪除好味過地獄canteen的lunch set 啊
回覆刪除一定係準備結婚~ 用最fit既狀態出嫁~
回覆刪除好似幾好味喎 , 不過妹妹唔like番茄 , 可以改良下煮返餐先
回覆刪除好pro ar, 好似大x樂個一哥焗豬扖飯ar......搞到我而家好肚餓tim
回覆刪除你減肥另有原因, 係咪決定結婚喇? 大少係paris求婚呀?
回覆刪除我們有着同一樣的東西（購自IKEA）----墊枱膠…
回覆刪除簡單方便又好味! 有時都好羨慕你有一塊尖尖的面, 個身點肥, 起碼睇落都呃倒吓人呀!
回覆刪除如果茶餐廳有你煮得咁健康, 我日日去食都唔驅啊
回覆刪除嘩, 蕃茄磨菇汁係我最鍾意架, 就算無雞脾我都可以食哂o的飯呀, 正
回覆刪除哩餐好啱我口味，茄汁係我最愛，用黎炒乜都好味～～啲汁又係可以撈幾碗飯，好味呀～～
回覆刪除佢同大少一啲唔肥啦...你睇下我啦
回覆刪除茶餐廳隻碟邊有咁靚
回覆刪除好大隻雞脾 ~
回覆刪除兩人一齊減肥 .......哈哈係咪好事近呢 加油! 我都正在減肥中........不過如你想減快d不妨用灼or蒸方法來弄餐! 食飯唔好撈汁 避免飲老火(有豬肉)湯 飲多d清水(減肥中的皮膚容易乾) 還有最重要的....一定要做運動, 如果唔係減磅後d肉會鬆0架! 穿露背會唔好看啊! 來.......發揮女人強勁的意志力吧))))))努力呀.........穿起禮服一定靚爆鏡!!
回覆刪除我完全明白日日諗煮乜o個種 難處!!! 呢兩個幾星期我就成日要諗煮乜俾我無牙老爸食. 今晚決定炒飯. 你碟飯都幾夠份量啊!!!
回覆刪除大少真係幸福呀, 日日走去Diana 餐館“擦”餐勁呀
回覆刪除真係好吸引呀! 我都想學下用屋企個焗爐, 等我搵日試下先!
回覆刪除回應既方式,唔關我事, 我見過有人咁回係出面係睇佢唔到既, 所以我咪識囉 ! 又幾好使呵 ~
回覆刪除It looks so yummy, I am drooling.
回覆刪除方便得黎都幾豐富架喎...
回覆刪除無凍野飲, no way
回覆刪除凍O茶係我最愛, 糖水甜品我日日都食
回覆刪除你地碟飯都好大碟喎！
回覆刪除大洗慳妹 : 又會咁啱!!! heeeeee Mui : 但有時我寧願係屋企食好過出街食, 出街食又唔好味又肥!! Mrs. Cheng's Life : 呢個係我自己諗咋,, 不過我諗咁普通.. 好多人都識!!! 都係既, 有時食清淡D.. 對身體都好既!! GG : 嘩.. 地獄有自己canteen咁巴閉架?? 果然係大公司呀!! Gigi : 傻啦,, 如果結婚, 實通知你!! Kuromi : 唔鐘意蕃茄.. 一係用洋蔥汁代替都好好味架~~ Kathy : 大X樂個一哥豬扒飯我試過整啦,, 好好味架~~ 但工序就繁覆好多啦!! 小妹丁 : 當然唔係啦... 我地個目的只係... 遲D話你知! P&R : 宜家D野平靚正!!! 家居必備啦~~ 發水麵包 : 有咩好羨慕... 得塊面瘦, 一企出黎就乜都呃唔到人啦,, 唔通一世做收銀坐櫃面咩!!! Mug 師奶 : 係啦, 如果出面D食肆係咁健康, 真係貴D都會去食! QQ : 噢,, 咁我煮D野你一定鐘意, 因為我係蕃茄迷黎架, 成日都會用蕃茄煮餸! 查查 : 無錯,, 又開胃呢! mmmmmmay : 大少個肚俾我谷到好似有左5個月咁呀,,, 佢再唔減肥... 就黎見唔到D腳止啦! haaaa See : 你咁細心.. 碟都留意埋... 勁!! 天蠍GG : 隻雞脾其實好少肉咋! 俾我剝埋佢層皮, 焗完出黎, 縮晒水呀!! 不過呢到D雞係咁,, 好鬼瘦! 秋本 : 我地唔係好事近呀.. 你誤會啦!! 但你係咪好事近呀? 恭喜先~~~ 我有時又唔想食得太清淡, 咁樣好慘.. 好似無啖好食咁! 其實大少佢都無乜戎口,, 仲照食朱古力, 果仁個D... 只係減少左份量咋!! 而我自己會戎得多D.. 加埋平日做gym..希望會見到理想效果啦!! 一齊加油!! 菇菇姐 : 係啦.. 不過你仲難諗, 因為你要諗D餸啱菇爸爸食... 試下整蝦仁炒豆腐..加少少芫茜, 麻油!! 我覺得好香口, 易送飯! 呢碟飯係大少架, 所以多飯... 平時我多數會整靚D佢個碟黎俾佢食(自己個碟就求其少少).. 所以影相都係多數影佢個碟! 情人淚 : heeeee....唔係我自己讚自己 (其實係!!heeeeee) 好好彩,佢真係好鐘意食我煮既野.. 因為佢唔鐘意食太咸既野, 我本身都係, 所以大家口味好夾! Angel : 焗爐好好用架... 焗薯條又得, 焗雞翼, 焗蝦, 焗魚...焗雞,, 焗蛋糕...等等等, 諗得出都焗得架!! 我家個焗爐仲用得多過微波爐~~ MuiMuimui : 你太過獎啦~~ 唔好流到keyboard都係口水呀,heee Bibeebee : 係呀,, 呢個真係色香味俱全呢! Jenny Wong : 真係唔巧意思, 本店拒售凍飲呀!! heeee BB Yee : 如果我唔洗減肥.. 我都會整杯凍O樂 OR 凍O茶黎飲.. 但依家唔得呀~~ 南極企鵝 : 呢碟飯係大少架, 所以多飯... 平時我多數會整靚D佢個碟黎俾佢食(自己個碟就求其少少).. 所以影相都係多數影佢個碟!
回覆刪除so做家庭主婦一d都唔易, 我成日想 dinner叫好姐煮咩俾我食我都覺得好頭癢
回覆刪除好... 我聽日又試下焗雞批先
回覆刪除真係好似出街食D碟頭飯咁喎~不過妳靚好多! 食得健康D身體都會好D!
回覆刪除蛇/三姑 : 係架~~ 你都好D.. 你想食乜好姐都會煮! 但我唔會問大少想食乜? 因為我怕佢講左我唔識煮! Ada Da : 好! 多謝賞面~~ 飄零燕 : 多謝你既讚賞呀!! 如果街外返有住家飯咁有益.. 我覺得貴D都抵!
回覆刪除雞肉唔用加油,真係健康又好味,番茄汁夠哂醒胃
回覆刪除行街1個茄雞反呀唔該.
回覆刪除