終於有時間打理返自己個blog啦~~ 每次旅遊, 見到任何新鮮特別既事物都好想影低同大家分享!
今次再遊Paris, 感覺完全唔同.... Paris係一個好特別既地方!! 佢唔似得日本, 樣樣都精緻可人, 令人愛不釋手; 又唔似泰國咁重風土民情, 令人樂而忘返 ...
相反, 巴黎無論衣食住行一D都唔精緻, 唔會令人有憐愛既感覺!!! 巴黎人更加有不可一世既感覺, 唔會有熱情既招待....
但巴黎仍然有好多吸引我既地方,, 呢種感覺係難以形容! 可能係又愛又恨既感覺~~~ 今次短短五日既精華遊, 對我黎講, 實在好攰... 但又係一個好好既回憶!
對住一堆照片... 親眼見到其景色時真係覺得靚到不得了.. 但到我要揀相post返出黎, 真係揀唔落手.... (因為張張都各有特色!!) 唔知點解,, 有種感覺...今次介紹Paris 會有D悶! 究竟係我心情仲未回復平靜, 所以有點悶納...定係其他原因呢?
anyway.... 希望我介紹既內容唔會令你覺得悶,, 更希望內容資料可以幫到想去paris玩既朋友啦!!! 我地個package包既酒店係位於Republique 站既Holiday Inn...酒店外型好靚, 好大間.... 但房就一般啦!! 乾乾靜靜算係咁~~ (好處係近市中心, 去邊都方便,, 而且Metro就係隔離,,, 附近又有super market & 好多食肆.. 玩夜左都唔洗怕無野食!)
第一晚到Paris已經係當地時間夜晚七點幾... 攪呢攪路出到酒店大約十點! 但你地睇... 個天仲未黑晒架~~~ 當日落機, 天氣麻麻,, 雖不至於落雨,, 但仍感覺到陰陰涼涼.. 不過呢種天氣我覺得好舒服!!
隨意係酒店附近行左一陣.. 見到有一間咁夜都仲有好多人排隊入去食野既餐廳... 我地當然唔輸蝕, 又走入去試啦!!!
原來呢間餐廳名叫 LEON (亞B之前點名介紹, 我食完先知原來就係呢間!) ...專門食青口, 用唔同湯底煮出, 一人一盤.. 個個食到好滋味咁!!! 我地初黎報導,, 唔敢亂叫... order左一客佢枱面墊枱個款黎試下!!
有蝦, 有魷魚, 有青口.... 賣相唔錯,, 味道都好正!!! 初初心諗呢D青口有幾好味?? 就咁食青口都食到全場爆滿 (真係全場都係一人一煲/一pan青口!!) 食落先知唔野小!!! 呢D青口一d都唔UN...而且有少少好似半生熟咁, 所以又滑又好味!! 補充 : 一客呢個招牌青口約16歐元
不消十分鐘,, 我同大少掃晒一PAN... d殼會另外俾一個dull你放住,, 所以食得好豪架,, 一隻接一隻, 右邊攞黎食, 左邊掉落個dull到... 你都咪話唔爽!
食完一pan熱完身, 未食dinner既我地當然唔夠喉啦! 再黎一款呀 merci (法文"唔該/多謝"的說法!)
呢款係用白汁煮既, 只得青口... 無其他海鮮.... 但有西芹, 蒜頭, 拌住煮! (我自己覺得頭先招牌菜好味D!)
補充 : 呢款白汁青口約14歐元!
其實一份青口已包無限薯條供應, 所以我見好多人既食法都會飲下D汁 (當湯飲...或者點麵包食!) d湯望落雖然好似好濃,, 但飲落一d都唔覺濃.. 加上個煲係鐵煲.. 所以Keep住d食物熱辣辣... 真係無得彈呢~~ 呢d青口雖然唔係好大隻(聽尤妮斯講依家唔係當造, 如果青口當造期會大隻好多!!) 話雖如此, 對於我地呢d平時無食過既人黎講, 已經覺得味道及口感真係好唔錯~~~~
我同大少係短短五日法國之旅已經食左三餐Mussels...原因係怕離開法國後, 再食唔返呢種又嫩口, 又鮮味既青口呀
(好似上左癮咁!)
又
呢?!
沒有留言:
張貼留言