尋寶遊戲.....

大少係無咁忙既時候... 都好鐘意入廚煮返幾味!

有時仲會同我掙煮飯... 或者同我鬥諗新菜式~~

早排 (都兩三個禮拜前), 我話想食米粉... 佢就手舞足蹈咁入廚房摷呢樣, 搵個樣.. 話精心泡製海鮮湯米我食喎 !!!!

攪完一輪, 終於成事 (次次等佢煮飯我都會催佢問幾時食得!!  我都唔知係佢煮得慢, 定我心急?!)

唔好睇呢碗麵好似平平無奇~~ 其實內有圪坤!!

但首先我要好努力咁食晒D菜... 就會搵到~~

原來有大蜆~~~ OKOK,, 再好努力咁食完D蜆.... 又發現!!!

有自己包既鮮蝦雲吞~~~ (已經有D飽!!)... 繼續, 繼續!!!

摷摷下, 原來仲有幾隻蝦添~~ 究竟, 我要食幾耐先有米粉食呀??

好唔容易先到晒D餸... 米粉呀米粉,,, 終於有緣相聚,, 可惜我個胃已經容納唔到你啦!!

(講笑姐,, 我唔會咁浪費, 其實都係好少米粉,, 我當然最後都食埋佢啦~~ )

一餐美味既湯米,, 食到好似尋寶咁!! 唔知有冇機會下次食食下會發現粒大鑽戎呢?? haaaaaaaaaaaa

今晚要早D訓!