泥足深陷~~

15 July 07 -- 峰蜜雪紡蛋糕

前日夜晚食完飯, 無乜野做... 走去用新買既蛋糕模做左呢個峰蜜雪紡蛋糕.... 唔知點解,, 焗得好醜樣!! 人地Vanlily同大少奶焗個D蛋糕好鬼靚仔,, 我焗親蛋糕都黑口黑面~~ 激死人!

口感一般, 可能之前食過日式芝士綿花蛋糕, 真係好軟熟... 攪到依家食呢個雪紡蛋糕, 覺得唔夠軟熟, 口感唔好味! (都唔知係咪我焗衰左.. 所以咁?!)

第一次用呢種中間有個圈既模, 焗完甩模時有少少困難.. 大少話好似保露薄何糖!!

個質感... 又唔係難食, 不過硬係差D...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

呢個就係新買既蛋糕模, 一模兩用!!! 

另一個係方型,, 我見平, 方便整Brownie OR 林明頓... 所以買左!

呢個係Aquarius 介紹好好用既矽膠模... 

以前既我, 唔會捨得買咁多蛋糕模, 因為自己又唔係成日整, 又唔係整得好,, 所以費事浪費金錢去買咁多,, 最重要係, 買埋買埋, 如果第時大少唔係杜拜做野時, 都唔知抬唔抬返HK好!!! 

但自從搬左黎新屋, 我多左好多時間整蛋糕, 對整蛋糕越黎越有興趣, 越黎越有心去做好D做好D... 所以依家都唔理咁多... 唔太貴就買左先算!! 呢到D蛋糕模質地比較好, 全部外國貨, 但價錢卻很便宜... 三四十蚊港紙就有交易.... 不過, 將來真係搬返香港, 我諗我都會pack走... 用開有感情麻~~~

今日數下數下,, 原來我不知不覺都買左好多整蛋糕既用具~~

呢隻得五寸大,, 係以前初初黎, 我諗住我D作品最多都係得我同大少食, 所以買左個mini mould!

後尾多左D啱玩既舊同事黎杜拜做野, 我開始會做蛋糕請大家食, 所以買多個八寸模!

最後, 今日攞出黎睇下,, 原來我已經買左咁多~~ (我諗大少都估唔到!!!!)

初初我既廚房只有一包低筋粉係用黎做曲奇, 蛋糕用... 後其學左菠蘿包,, 又多左包高根粉, 嗅粉等等, 小量材料....  (仍然係好少野, 一D都唔阻位)

但今時今日,, 我已經買到泥足深陷!!!  直程俾一個櫃我放都放唔晒D材料!!!!

有D材料其實好少用, 永遠放係到都係得個放字,, 但有時要用起上黎又唔可以無~~

磅我已經買左兩個,, 後來都係覺得唔夠準, 最後要屈服買個電子磅

!! 至於打蛋器,, 初初買左個Cheap cheap既, 點知俾我用到入面個摩打都壞埋... 最後死死地氣又要買返個飛利浦!!!

後記 : 自有左internet後, 我呢兩日都無再整蛋糕, 連碗都唔想洗.... 大少已經問,, 你係唔係唔會再有時間做蛋糕架啦???   um....我買左咁多野.. 我邊敢唔做呀!!!