日式芝士棉花蛋糕 (附recipe)

上星期, 終於的起心肝做呢個棉花蛋糕...

好耐之前試過, 但失敗!

今次跟書整....  日式芝士棉花蛋糕~~~ 

終於成功!!! 個個激讚... 仲要encore 添!!!

 

感謝主!! 最近我做既蛋糕都無失敗到... 令我自信心返晒黎~~~

焗緊期間, 見到漲左咁多.. 好開心~~~ 因為望落好似幾成功喎!!!!

出焗啦~~~ 好軟熟... 又好香!!!  好心急想快D試

呢個係留俾大少食... 雖然裂到好似BENZ標誌咁(好醜樣!!).. 但我都好開心啦.. 起碼摸落去手感唔似上似咁'訂'死狗!!

輕輕將蛋糕meet開... 嘩... 見到個質感就知一定好好味~~~~

新鮮熱辣整完送去大少公司... 另外一盒係請其他同事一齊享用! 

第二日.. 因為蛋糕被某同事半夜時份當作宵夜食晒... 同事M向我投訴

... 要求我再整!!!

好好好... 今次我用七寸模整一個大大個俾佢地慢慢享用啦!!!

倒扣時, 完全唔痴底, 好容易甩模... 但估佢唔到. 模一移走,, 個蛋糕竟然又裂開三份, 又變左個BENZ標誌... 真係俾佢激死!

我啦啦聲將佢倒返轉, 掩人耳目咁攞過去請同事食!!!

********************************************************************************************

材料:

A) cream cheese ... 160g; butter ..... 25g; milk .... 120g

B) 低筋粉 ..... 40g; 粟粉 ....30g

C) 蛋黃 .... 4個

D) 蛋白 ..... 4個; sugar .... 100g; Slat ...少許

準備 :

將蛋糕模塗上少許牛油, 以方便脫模

180度預熱焗爐15分鐘!

做法 :

1) 將A材料用明火煮至結結地 (將cream cheese壓小塊較易煮開), 唔洗煮到溶晒, 然後移離爐頭!  分次加入B&C攪拌, 再用打蛋機略略打至均勻, 無起粒!

2) 另將D蛋白打至起泡, 分次慢慢加入糖&鹽, 打至企身!

3) 將1加入2, 攪均... 倒入蛋糕模, 用隔水方式以160度焗40-45分鐘 (視乎火力)

4) 完成後, 將蛋糕取出, 立即將蛋糕移離蛋糕模, 待涼! (記得要立即脫模, 否則蛋糕會下陷)

溫馨提示:

如果想個蛋糕香濃啲, 我會將120克既牛奶改為cream, 另外焗既時候要留意個蛋糕, 一升起變金黃就放一張石紙係蛋糕面, 以防烤燶面.