28 July 2007 - 菠蘿包、腸仔包 & 餐蛋包
成功啦,, 成功啦!! 今次終於成功啦~~~ (感謝主!)
... 次次都有問題出現..我估
上星期六, 大少心血來潮話想食包... 叫我試整多一次! 係唔太願意之下, 我都係做左~~
但今次出奇地成功, 好開心呀... 我終於夠擔寫出黎教人啦~~ (草菇老抽, 呢個recipe欠左你好耐好耐... 唔好意思
!)
高根粉 ..... 201g ; 糖 ...... 26g ; 凍水 .... 80g ; Salt ..... 少許 ; 牛油(溫室) ... 26克(切小粒);
加強劑 .... 3克 ; 依士 .... 5克 ; 雞蛋 ..... 27克 ; 牛奶 .... 26克 ; 雲尼拿香油 ... 半茶匙
1) 依士加少量水浸2-3分鐘 (攪勻, 水既份量約遮蓋晒D依士)
2) 所有材料放入盤內 ( 除牛油 & Salt ) 用機略打勻 (機頭用上圖個隻), 略攪後加入牛油& Salt
3) 用機攪勻後, 取出, 用手繼續搓至拉開麵粉唔易拉開&唔黏手; 將麵團放入較高身盆中, 用保鮮紙輕輕蓋面
4) 以250度預熱焗爐一分鐘即turn off... 將麵團放入焗爐發烤半小時!
5) 麵團發烤後將比起原有size大一至兩倍 (如圖二), 手指沾上高粉, 篤入發烤麵團一下, 無反彈即OK; 然後將麵團拉長型, 用棍揼出空氣 (如圖三)
6) 再將麵團平均分割一舊舊 (每個約40克) , 放在盤上用保鮮紙輕輕蓋住 (如上圖四) , 待10分鐘; 然後可以做型, 即卷入腸仔, 放入餐蛋料 或就咁搓圓一個麵團加塊菠蘿皮(如上圖5-7)
7) 接著, 再次發烤, 做法與 step 4一樣
8) 最後, 取出麵團後用掃輕輕塗上薄薄蛋漿 (要輕力, 唔好大動作再move舊麵團) , 同時預熱焗爐180度
9) 視乎火力, 180度焗15分鐘, 即可!
Remarks : 如果份量太多, 唔想一次焗晒, 係step 6 做完後可用保鮮紙包好放入雪櫃, 第二日攞返出黎重覆step 4, 然後攞去焗, 就可以食到味美麵包啦!!!
菠蘿皮材料 :
高根粉 ..... 75g ; 牛油 .... 38g ; 糖 .... 57g ; 蛋 .... 7 g ; 臭粉 .... 1g ; 梳打粉 ..... 1g ; 水 .... 7g
1) 將所有材料(除水外)放入盆內攪勻, 最後加入水攪 (如用機打得唔勻, 可落手搓勻)
2) 將麵團搓薄薄一片(約2-3mm), 在甜麵包做型時可撻一塊上去, 即可!
Remarks : 嗅粉真係好嗅架, 所以唔好落多過1g呀!!!
... 真係估唔到我都做到!!! 
咁好味既野, 我地食完即刻揸車外賣送去俾其他同事食.. 個個都話一流泥~~ (因為大家實在太掛住港式麵包啦!!)
沒有留言:
張貼留言