懶人晚餐

每週週四, 就係大少假期前夕 (因為UAE法例假期係星期五)

所以每逢周三, 我已經開心定... 覺得大少返埋星期四又可以放兩日假倍我~

到左周四, 我就會開心到好似自己都放假咁, 無乜mood做野 (哈哈哈, 其實又係俾藉口自己唔想煮飯!!)

好多時星期四, 我地都會出街食飯....  當作外出輕鬆下~~

尋日(應該係前日, 因為遲左寫), 因為屋企太多餸,, 唔煮好似唔係咁好!!!  但我又懶人作祟, 所以求其見屋企有咩材料就做D簡單小菜~~

有我既撚手炒飯 + 辣酒滾豆腐大蜆湯

炒飯係好方便既食物,, 我只係用左彊蓉、雞蛋、西芹 & 煙三文魚... 大少激讚 : 水準一流, 好好食!!

辣酒滾豆腐大蜆湯, 調味係自創, 夾啱個味就OK.....

辣既來源係黑椒 & 彊片, 用左大量紹興酒黎整香個湯 (當然唔少得雞粉、麻油、salt etc...) 最後加埋我倆激愛既芫茜... 暖肚又醒胃!!!

食譜唔寫啦,, 因為我確實係亂做一通~~~ heeeeeee

你地鐘唔鐘意呢一餐呀??