尋日放假同大少去左同同事打牌!!!好開心, 因為一直都無合適既麻雀枱用.. 最近係宜家見到張.... 買左返黎, 拿拿聲試下先!!
呢個係同事係香港G.O.D. 買過黎既墊枱布..... 今日終於可以開鑼啦~~
睇下張枱幾GOOD FIT!!! 
我當然要教佢地打台灣牌啦... 台灣牌好玩好多麻!! 可惜D麻雀係travel size...而且又無棍 (只好用公司D比例尺用住先!)... 所以打時都唔能夠盡興. 下次我返香港既任務又有新目標!! 我要買副正宗台灣牌過黎至得!! 你知係到生活幾苦悶架啦...heeeeeeeeeee 
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
由於今日玩到好夜先返, 我又要幫大少剪頭髮... 無錯!! 係我幫佢剪... 因為呢到D所謂髮型師根本就無時代觸覺.. 剪完成個傻仔咁!! 所以大少係無得揀既情況下.. 唯有投靠於我~~ 我呢d話晒係專業美容師, 專業化粧師, 專業美甲師.... 對美呢個字當然有某一個程度既信得過剪完大少當然好滿意... 跟住我又要攪下個新Banner... 我諗攪過既人都知有幾咁'side'時間~~ 所以我都未有時間去探大家呀... 唔好意思!! 
(我係有少少自戀狂架!! heeeeeeeee)為表歉意.. 以下有段笑到甩碌既Video...有興趣無野做去睇下啦.. 今日係星期六,, 就算返工都可以蛇下皇既!! 但記得唔好笑得咁大聲呀~~ 
http://funvblog.blogspot.com/2007/07/blog-post_571.html
沒有留言:
張貼留言