你當我是浮誇吧 ~ ~

我一向都唔係一個'好'知慳識憸既人...

 

但, 我更加絶對唔係個D 唔俾家用, 無錢食飯, 死慳死抵都要買名牌既人!

虛榮心, 我信相每個人唔多唔少都會有... 男女老少都不例外,, 只係大家鐘意既野唔同姐~~

今日, 有個朋友想叫我幫佢買LV - Neverfull系列既袋..  問我意見

我心血來潮, 就將家人托我買o個個Neverfull MM (中Size) 攞出黎影相俾我個朋友睇清楚下, 你自己睇完再考慮下啦!!

索起兩邊, 個款就係咁!

將兩邊帶拉開, 又可以咁樣用!!

內籠真係名付其實Neverfull....好大, 可以裝好多野!!  (如果我有BB, 我都想買個大SIZE做奶粉袋!!)

最好係佢個皮比一般LV袋薄身好多, 完全一D都唔重~~ 唔洗驚未放野, 已經重到死!

右手邊個袋係前幾個月大少送俾我.. 因為佢覺得個金扣好靚, 而我去睇個時拎上手又覺得好有型,, 所以佢又靜靜雞買返黎俾驚喜我~~

但呢個袋既內籠就無Neverfull咁大, 而且個皮厚好多, 全部係'驚'皮... 所以孭時都幾重... 如果放多少少野, 隨時孭到肩周炎

!!

所以平時我出街多數會孭呢個細細, 又方便, 又唔太重!

其實有時都好想有個家姐/細妹,, 咁樣咪可以Share D袋黎用, 唔洗下下自己買一個, 或者放係到等發毛!

我香港仲有好多LV手袋..  不過你問到我最鐘意邊個... 我暫時最愛都係佢~

牛仔布! 又係大少送俾我既驚喜~~  點解鐘意? 一來我覺得個款好靚... 金扣.. 夠浮誇麻!!  二來呢個袋亦都係記載住我同大少既回憶~~~ 所以特別有義意!!  有時都唔捨得用, 怕整污糟!! 

你地唔好睇個袋咁細, 其實放到好多野,, 不過放太多就會變成流星'除'... 遇到賊, 一個袋飛埋去, 我諗佢唔死都暈七日!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

不過學我老豆話齋 : 你膊頭得兩個, 袋又幾十個(當然誇張化啦!!) ,, 你買埋買埋咁多袋,, 你邊孭得晒呀?? 唔好咁大洗啦, 有錢儲起佢~~~

其實我都知架啦,, 不過有時你都知女人架啦!!  心血來潮或者覺得好靚時, 真係好想擁有架麻,,, 係.. 實際上人係唔需要咁多手袋或衫褲鞋襪... 但無辦法!! 學GG & 大少奶話齋.... 浮誇既我.. 係咁架啦!!! 

當然, 我個心仍然會周不時記得DADDY同我講既說話, 要不然,, 我諗我會仲敗家!! 

話說回頭,, 我覺得買乜都好,, 要量力而為,, 唔好因為要面, 要威而盲目追隨!

我記得聖經記載過, 意思係咁 : 我地唔可以做金錢/物質既奴隸 (我好慚愧, 成日想用神既話語, 可惜我唔記得係邊, 菇菇姐, Cindy,,可唔可以話我知呀??)

Anyway, 你呀(唔特別點名啦!!) 諗清楚想買邊個款再話我知啦~~