焦糖燉蛋 (長者版!)

適逢前日晏晝係蔡師奶到學整瓊山豆腐(即蒸蛋白水蛋)做lunch,,, 好好味

!!!  滿足完食慾後我就要執手尾.... 就係要處理返剩下個四隻蛋黃

係我頭痛緊將呢四隻蛋黃點處置之時.... 我又係Sulena個blog到見到佢整Creme Caramel (焦糖燉蛋) 咁啱睇佢個recipe係需要用到四隻蛋黃+兩隻雞蛋...

咦,, 咁咪fit晒囉... 睇清楚D又唔係好難整喎... 所以我就的起心肝攪掂佢 ~~~ (初初諗住再諗唔到用黎做乜好, 都要倒左佢, 費事留過夜....)   

首先, 我真係要衷心多謝Sulena 既細心教導... 雖然我做出既效果唔係十分太理想.. 但味道真係幾唔錯... 因為我今次焗耐左, 所以D蛋較為年長(老)!!   不過因為易整又好味, 所以我決定下次再有蛋黃剩下時, 我一定要再做一次成功既, 唔好浪費Sulena既心意!!  多謝你....

我焗左兩杯, 第一晚我同大少便急急試食一個熱版....  味道OK, 但D蛋好'鞋'

原來自己煮焦糖既過程係好得意架.... 初初煮時無乜野... 都係水加糖淡白色咁... 我煮左好耐都唔明點解Sulena話會變褐色,,, 反覆諗左好耐又睇返個recipe幾次... 原來, 到左某一個point, 原本淡白色既 "糖+水" 真係會突然間變成褐色... 就係所謂既"焦糖"

 

後來我又唔明點解Sulena做o個個做得咁靚, 同我呢個完全唔相似... 經過Sulena 細心解釋後... 得左!!!

登登登登... 呢個係雪凍版... 今日經Sulena 教我用熱水浸一浸個碗底.. 再用刀介一介個邊.. 輕怡易舉就可以反轉將個布甸倒落隻碟到享用!!

呢個present係咪靚好多呢~~

 (雖然個面唔夠平滑!! )

而且我同Sulena 一樣都覺得凍食比起熱食味道更佳呢~~

唉.. 唯一真係D蛋真係焗得太老,, 否則一定無得頂!!!

想要Recipe.. 可以去Sulena到睇, 因為佢寫得好清楚... 圖文並戊架!!!

Sulena, Thank you so much~~~