可笑的星座分析!!!

今日百無聊賴上網睇星座..  對於星座性格分析... 我覺得某D人既星座性格分析真係講得好準!!   但係我都係睇下就算,, 唔會十分相信(因為就我自己而言, 已經係超唔準!)..  我更加唔會日日睇報紙, 睇雜誌去check自己個日/個週既運程如何...

但今日有件攪笑既事就係....

當我睇大少既星座時, 我發現網上寫水瓶座既優點, 真係同佢本人性格好刎合...   講到缺點時.. 又好多都講得幾啱!

於是... 我就 MSN SEND左個段缺點俾大少睇..(諗住俾佢反醒下 ...heeeee)

跟住大少問我有冇優點架??  我當然都唔會吝嗇, 照實話佢知, 我覺得個分析話你D優點都係好準喎!!! (係某程度, 我係好欣賞大少既性格... )

我Copy左個段水瓶座既優點& 點缺俾大家睇下 ~~

優點 :

崇尚自由、充滿人道精神、興趣廣泛、創意十足、樂於發掘真象、有前瞻性、擁有理性的智慧獨立，有個人風格、樂於助人、對自己的感情忠實，求知慾強、獨立、博愛、友善、忠實、可靠、有創意、有遠見、有智慧、思想新穎、頭腦敏銳、善於觀察、富有改革精神。

缺點 :

缺乏熱情、想法過於理想化、不按牌理出牌、打破砂鍋問到底、太相信自己的判斷、思想多變，沒有恆心、對朋友很難推心置腹、過於強調生活的自主權、喜歡多管閒事、太過理智、情趣不足、個性怪異、過份執著、標新立異、易誇大問題、固執、墨守成規、不知變通、過於理想主義、倔強、偏激、叛逆、不合群。

最後, 我就只係copy左我認為大少有既缺點俾佢睇, 諗住叫佢檢討下 :

點知佢覆我一句 :

創意十足時又不知變通...,墨守成規時又思想新穎...叛逆、不合群但又博愛、友善.....???

我睇完之後, 望望下... 咦..又係喎,, 前後咁矛盾既?? 

咁究竟邊個先係佢既性格呢??

最後.. 我同大少講 : 聽故唔好摶故, 就打完場~~(心諗, 叫你檢討唔係叫你捉我字室呀!!!)

你地呢, 覺得星座可信嗎??