靚太唔易做!!

平時你地聽我講得多我既生活主要係有咩做!

不外乎洗衫煮飯燙衫吸塵抺地執屋淋花整餅上網睇電視聽歌擦甲油訓晏覺等 (數唔盡一堆無謂野~~~)

係你地眼中... 係咪覺得我好似好嘆呢??

雖然看似好忙, 但其實大家都知做一個所謂家庭主婦 (係無小朋友既情況底下) , 基本上我以上所數既"工作", 其實做與唔做, 幾時做, 都係彈性好大!

累咪訓晏覺唔吸塵抺地囉.... 無MOOD咪上網唔整餅囉.... 心情好咪煲下湯囉~~

呵呵呵~~~ 幾棧喎又!

其實要做一個稱職(加抵錫)既靚太, 又點會咁簡單!

*********************************************************************************************

最近, 十年唔逢一潤都唔會生粒粒既我... 竟然短短幾日, 背脊先後出左兩粒會痛既瘡,, 但又唔係有野擠.. 只係痛!  仲有.. 兩邊上腭大牙有生菲滋既徵狀... 擦牙時開始見隱隱作痛....   未完未完,, 喉嚨亦赤赤痛, 唔知將會變成點??

係咪好奇怪我最近攪乜呢??

原因咪就係大少近兩三個星期都忙到飛起!! 早排連同各同事一齊日夜趕工, 已經體力透支得嚇人.... 近日, 又有一個JOB令佢連續三晚都要通宵工作至零晨三四時!

而我, 身為佢最錫既女人... 當然唔少得倍伴左右啦!!  就算幾眼訓, 我都會係廳到靜靜倍佢做野... 原因好簡單!

大少 : 不如你唔好等我, 早d自己入房訓啦!

我 : 如果我唔倍你... 你會唔會唔開心架?

大少 : 緊係唔會啦... 傻妹!

我 : 咁如果我係到倍你做野, 你會唔會開心呀?

大少 : 都會架....

OK... 得你呢一句, 我就眼訓死都唔會自己入房訓先!!  我呢D有福同享, 有難同當... 點可以丟底你孤身作戰咁慘架~~

就係咁, 我就好似一個守護天使咁坐係廳到自己上網, 周圍睇下人地既blog, 睇下人地D recipe 消磨時間....

直到大少偶然講一句,, 好肚餓呀!!  我就即刻返回剛位 : 得.. 你想食乜??  公仔麵?? 好肥架喎... OKOK,,你真係想食 ,, 好啦... 我依家去煮!

OR

大少 : 嘩... 條頸好痛呀~~~ 突然間條腰骨好酸呀!   我就會即刻彈起身去幫佢揼骨~~

有時仲要做埋佢私人秘書幫手打下文件添...

第二朝, 唔好以為我唔洗返工可以訓到黃朝百晏... 我一樣0830要起身煮早餐,, 然後繼續做我要做既野!!!

就係咁,, 我既身體都開始向我投訴!!  好彩未禍及面部皮膚....

可能有D人會覺得我攞苦黎辛, 但我覺得平時返工摶殺已經夠辛苦, 依家放工都要繼續做, 真係慘上加慘... 如果有個人係身邊支持下, 偶然慰問一聲, 我諗佢真係會開心D... 既然如此.. 我訓少D又算得係乜?!

辛苦工作都係為將來生活過得好D....  我想我都應該為大家既將來付出~~

Dar ... 辛苦晒!  I love you so much~