北海道之旅 - 登別

北海道之旅不知不覺又快介紹完啦.... 每次睇返d相都回味無窮!!  希望下年有機會可以再去啦~~ (如果各位BLOG友亦都有去北海道旅行, 希望你地都會POST出黎同大家一齊分享, 大家互相作參考嘛!!! )

係札榥last day, 我地最後都係要買多個喼黎放行李!  初初大少話佢想買個喼既budget大約6,7千YEN... 但搵均全部都無, 最後佢都屈服買左個19800YEN既喼... 咁既喼要成港紙1200蚊,, 我真係唔捨得買,

我係咁叫佢不如唔好買, 自己hand carry 啦, 但佢都堅持要買! (最後個日到機場, 去完全北海道最大既OUTLET 後, 我地都係有1袋2袋大大袋hand carry...大少話 : 你睇下, 買左個喼都係要hand carry,, 你仲話唔買!!! 原來佢真係有先見知明!)

下一站, 亦都係最後一站!  就係登別~~~  天氣繼續唔好, 所以天色黑沈...

未到登別市中心已經有個大大大地獄谷吏者係到啦... 我覺得佢個樣有D似洪天明... heeeeeeeeee

去到登別, 除左睇天然泉源外,, 順便參觀埋熊木場!!  其實無乜野睇, 加上天色唔好, 好大霧!!  行左陣就走lu...

登別最出名既地獄谷~~~ 呢到d煙唔係霧黎架, 真係由地下d溫泉水噴出黎既煙... 四周都怖滿硫磺味! 所以登別亦係一個浸溫泉好出名既地方...

長長既木橋俾你行住欣賞沿途既風景... 據說呢到係最貼近地殼既地方, 所以步行其間都會聽到好似水滾d水泡聲.... 其實我好驚,, 因為我好驚呢到d火山口突然會爆發!! 

呢到有一個好大既活泉眼, d水又係好滾好滾咁流緊出黎, 有時仲會彈起水花... 一唔小心好易仲招!!

其實登別仲有好多值得去睇既地方(全部都係天然景象).. 可惜天色唔好, 又落毛毛細雨, 最後係附近稍為逛逛, 就返酒店休息啦

呢到好多手信賣, 多為一搬出面都有既食物外, 仲有地獄谷既標嘜 -- 地獄吏者!!! 不過我對呢d無乜興趣, 只係買左幾盒溫泉粉就算~

去到酒店, 先發現原來我地入住既係最頂級既房間 (因為呢間係我自己上網BOOK...係網上睇見個價錢又唔係太貴.. 咪訂囉~

~)

入到去, 呢間酒店比起之前住個d都大好多, 而且好高級... 一面係日式設計, 一面係西式設計! 兩面我都鐘意.. 仲有最吸引既係佢既私人溫泉, 雖然唔似宏樂園咁好FEEL有戶外園景欣賞, 但呢到勝在d泉水夠正宗, 因為d泉水真係有好多硫磺... 不斷踴出.... 浸完成個人都好舒服!! 

加上呢到係出名既浸泉區之一, 之前係街到已經見到好多人就咁著住件和服周街行, 感覺好地道, 我地當然都快快換上和服去用膳啦~~

特別要再一次介紹俾各位, 呢間酒店係全登別最大型既溫泉酒店, 佢出名在擁有各不同特色既泉質和31種泉水殿堂!!!!    我平時唔鐘意剝晒衫浸溫泉, 但試過之後都覺得無得頂呀!!!!

有興趣可以去佢地既網址瀏灠下 :

http://www.tohoresort.com/mahoroba/index.html