古靈精怪的蛋糕!?

18 July 2007 - Oreo 芝士咖啡榛子脆脆蛋糕

個名係咪好長呢.. 係我自己改架!  因為呢個蛋糕做法係我係兩本唔同既書到搵出黎,  所以餡料比較豐富.. 個名都長過人!! heeeeeeee

18 July 係大少一個同事生日 (佢亦係我一個好FRIEND既舊同事) 所以, 我親自做左呢個所謂 "生日蛋糕"俾佢

~~ (其實我唔當佢係一個生日蛋糕, 因為我見Vanlily整個D生日蛋糕真係好有水準架麻... 我呢個.. 係我角度,, 只係做左一個普通整蛋糕請人食咋~~ (咁樣無咁大壓力!!)

原本個賣相都唔係太差, 但我'懶'醒咁篩左D icing sugar落去扮靚... 點知都未出門口,, 已經溶晒.. 仲要好似有灘水漬係面咁~ 激死我....

D糖水印都印唔走... 算數!! 下次我會醒目~~

呢個蛋糕有咩特別要兩個食譜mix埋呢... 其實呢,, 就係.............  無乜特別!

第一個食譜 : 底層係一件朱古力海綿蛋糕, 夾左咖啡味既cream加榛子醬粟米片係中間, 然後再鋪一塊朱古力海綿蛋糕

第二個食譜 : 用Cream Cheese 加Oreo餅碎製成既mousse 做cover

就係咁,, 個蛋糕攪到好似有好多味咁~~~

其實一開始係想根第一個食譜完成埋佢, 但做完個心, 外面個層要好有技巧咁用忟刀忟忌廉... 自知技不如人, 亦費事獻醜... 所以最後都係整個mousse 打完場算!

Mandy,, 希望有一日我真係可以做一個似返個生日蛋糕既蛋糕俾你啦!!

P.S. 要嗚謝各位曾經教過我脫模方法.. 因為今次真係脫得好成功!!!