失敗的榛子咖啡曲奇@.@

25 July 2007 - 榛子咖啡曲奇

上星期見到Hallelujah @ YY Cake 用左佢既新唧咀整左榛子咖啡曲奇... 好吸引呀~~

適逢榛子同咖啡都係我好鐘意既味道... 而且好耐都無做曲奇請朋友食啦, 好想試下整呢款曲奇! 

因為我屋企得榛子醬, 無榛子粉... 但經Hallelujah @ YY Cake 指點後, 即刻動工!!!

其間一直無問題, 而且預備入爐焗時都好靚仔架~~

但一入焗爐,, 唔夠一分鐘, 我D曲奇型狀完完全全隱形晒!! 只變成一團圓餅~~

烤焗中, 我反覆思量點解會攪成咁??  我已經有將個麵團放入雪櫃雪左15分鐘先焗, 何解呢??

榛子 & 咖啡既香味已經滲滿我整個廚房.... 真係香到不得了!!!  原本想焗埋請大少D同事食, 所以預多份量.. 最後焗左三盤, 得一盤滿意少少咋!!! (其他個D焗過龍... 燒焦了!!!)

我急不及待試一口,, 外脆內軟!!  我諗... 可能我加得太多水, 所以令麵糊無咁實, 以至型狀hold唔住, 而且食落唔夠鬆脆呢!

Hallelujah @ YY Cake., 請再指點一下我....

我想問, 我無三合一即沖咖啡粉, 改用普通即溶咖啡粉, 因此我加了少少水去整溶D咖啡再溝入麵糊內..

你估係咪因為咁樣而影響到個曲奇做唔到型以及唔夠脆身呢??

我好想再做好呢款曲奇,, 因為實在太香啦!  雖然我今次失敗左,, 但呢一盤外脆內軟既曲奇,, 我都覺得好好味..  

份量唔係太多, 呢一盒失敗的曲奇已成為我呢兩日既下午茶啦!!  雖然不完美, 但我依然覺得好味道!!

有興趣整既朋友可以去Hallelujah @ YY Cake到參考食譜, 佢仲有好多唔同作品, 好吸引架~~

多謝Hallelujah @ YY Cake既分享!!