Abu Dhabi 睇樓團 - Part 1

尋日終於可以攞鎖匙收樓啦!!!! 記得二月臨上飛機返香港個日, 大少帶我黎到尚未起好既地盤睇樓, 個時既外貌一點也不討好... 而且感覺好老土咁!!

尋日再去睇... 嘩!!!!!! 感覺唔同晒呀~~~~~

呢到係大廈Lobby...杜拜好少有香港個D大型屋苑, 每座大廈多數都係單棟式!! 幾光猛, 感覺唔錯喎~

我鐘意光猛既感覺.... 人都精神D!

第一次見到大廈門口係用自動門... 感覺好似入場商場... 唔似返屋企!! heeeeeeeee

全棟25層, 算係區內較為高既住宅大廈 (大記唔好R頭, 又話杜拜依家鐘意起高樓, 呢棟點解得25層?  因為呢到唔係杜拜, 係Abu Dhabi 嘛!!!)

大廈既Outlook...

每層樓既等Lift 位都做到好Grand!!!  得25層樓卻有4部lift.. 會唔會多得濟呀?! 後面仲有一部貨lift!

呢棟大廈, 公司租左兩個單位, 一個單位係For 老板過黎住or當係Guest Room.... 另一個單位就安排俾大少住.. 所以逼於無奈, 可能將來又會成日見到某君... anyway..已成事實, 唔諗咁多!!!  我同另外D同事Book左個印度女人私人授教瑜伽, 加上我地間新樓又有Club House.. 我個心情大靚~~~~  其他無謂野都唔會影響到我

尋日揸住部相機周圍錄vedio , 想俾大家睇下新居面貌 (其實我個心都係抱住好似睇示範單位咁!!!)  但由於影我間屋既Vedio 太大, 暫時upload唔到, 我遲D再upload上去...

今日睇住老板個間先... 佢間屋有3大房, 1工人房, 大廚, 大廳... 加加埋埋都應該有二千呎~~  而我地個邊就細D... 得兩房, 不過我覺得細D仲好,, 兩個人住太大, 我會驚呢!! 

Part 1 (怕個File 太大, 所以分兩段影!)

(Part 2)

睇完樓都開始天黑lu...見到靚天色... 影低先!!