福州幫 之 包餃子!

上個星期, 仲未開始忙搬新屋既事宜, 我仲好有閒情日誌咁係屋企包餃子!

但我包呢種唔係普通既餃子... 而係我家鄉名產 -- 燕皮餃!

而呢隻燕皮餃又唔係大家平時去火煱店食開個D喎

!!  好難解釋俾大家知呢種餃叫咩, 因為我剩係知福州話點讀 (記住, 係

福州, 唔係福建,, 兩個唔同地方, 唔同語言!)

我剩係記得細細個女麻女麻成日包俾我食, 後來女麻女麻死後.... 要等到過年, 姑姐們先再會包, 所以依家有得食呢種餃, 感覺特別矜貴...  

!!!

新年時, 大少係我屋企食過呢隻燕皮餃後, 大讚好味!!! 係咁問我咩黎?  老實講,,, 咁多年來, 我只係識食, 問我咩黎? 點整?  真係考起我?!

不過, 為左大少.... 我當然千辛萬苦都去請教各位親戚朋友啦~~

最後, 我三姑姐仲好好咁俾左一包(佢既私人珍藏)係福州買返黎既燕皮俾我...因為其實呢D燕皮香港唔係咁易買到, 要去國貨公司先有, 但國貨公司個D又唔夠真係o係福州賣個D咁新鮮好味.... 所以佢地一知道有朋友返福州, 就會托人買返黎, 慢慢享用! 

大少知道我有帶D燕皮返黎, 已經成日問我幾時包黎食?  上個禮拜,, 我處女下海(講到好核突咁!)

 首次包餃子!!!!   結果,, 包左我兩個幾鐘,,, 腰都斷 !!! 因為呢d燕皮唔似水餃皮個d有個厚度... d燕皮超薄又唔完整,, 總之就唔係想像中咁易包~~

諗住個少少肉... 應該好快包晒... 點知包左我兩個幾鐘!!  好多次中途都想放棄... 但心想到大少鐘意食... 我又咬實牙關繼續埋頭,, 係咁包, 係咁包~~

餃中饀料有 : 豬肉碎, 冬菇粒, 疆蓉, 用調味料醃1 個鐘就ok!

包左兩個幾鐘先得呢到咁多... 真係粒粒皆辛苦!!! 

當我同DADDY大喊, 我包燕皮餃, 包到我腰都斷...

以後真係咪攪!! Daddy問我包左幾多粒?  我話都有三四十粒架!!  佢就好不屑咁笑我 : 包個三四十粒就瓜瓜叫... 以前我地閒閒地都包百幾二百粒!!!

唔係化???  有冇咁勁呀?? (不過心諗又係, 我地過年十幾個人食飯,, 個個食燕皮餃都唔食飯,, 當一人10粒, 都100粒... 仲要我地肯定唔只食10粒咁少!! 嘩,, 佢地真係訓練有數!)

呢D燕皮餃食法有好多種, 可以就咁用清雞湯加西芹粒, 加幾滴麻油煮黎食齋食,, 已經好香!! 或者加入湯麪, 湯飯, 打便爐等等... 鐘意點都得

今次我地用黎配蝦子麪食... 煲湯時, 又放十幾粒入去一齊滾熟黎食.... 大少係咁讚好味!!　(你就真係食得過癮,, 難為我包到得返半條人命!!)

傳說中既燕皮係用豬用做, 所以特別有咬口!!

雖然包得三四十粒, 但原來兩個人都好'come'食, 我地食左兩三餐, 仲有十幾粒剩.. 最後我仲帶左去宿舍同大家一齊分享, 用黎打便爐!! 大家都話好味~~

唔知有冇人食過呢隻燕皮餃呢?  又有冇人係同我同鄉下架??  有就黎相認下啦!!