今日杜拜睇真D!

杜拜o既交通係非常繁忙! 幾乎每日任何時段街上o既車都係車頭湧湧

.....  而且係杜拜揸車就好似揸緊一級方程式咁... 個個都係時速過百,, 仲要有d阿戊鐘意成日左cut右cut , 驚死'sit' 抵咁!  因此, 杜拜既交通意外率都係全球最top!

呢張相係公司宿舍影落街... 基本上呢到除左Mall有附設大型停車場外, 其他地方多數都係無停車場, D車只有泊係街到 (當然地下有劃位for 泊車先可以泊!).... 由於呢個原因! 所以每次搵位泊車都幾'side' 時間 (同埋泊車技術都要一流先可以係咁窄既地方泊到車!)... 同時每日要記住自己架車泊左去邊

, 都係一件令人頭痛既事!

睇下杜拜D公路幾濶!  有五條線 (經大少指點後, 佢話原來某D路係唔只五條線, 有D七條行車線都有...勁呢?),, 相反方向又有五條線... 所以基本上係高速公路揸車係好爽,, 又快又暢通!  但都要留意有時有D趕住去X o既癲佬.... 佢地時速必過二百咁係你後面'標'上黎! 到時你就要cut線讓佢行先一步!!!

杜拜近幾年既發展驚人.... 每個住過杜拜既人都話講... Dubai d 路無行一排就會唔同晒, 因為佢地d工程日日都不斷趕工, 又改路,,你一個禮拜前到過呢到, 一個禮拜後再行呢條路,, 好可能已經唔係咁行啦!!!

聽人講, 杜拜視香港為目標,, 好想發展到好似香港咁繁榮!!!! 所以就算杜拜有好多空間起樓,,, 但佢地都會特登將D樓起到密密麻麻咁... 感覺似香港掛!!!! 但我地住慣香港就會覺得咁樣起樓好'side'囉... 難得有地方, 好心唔好起咁密... 前世未迫過咩?!

大家有冇聽過杜拜依家起緊一座新building叫做 Burj Dubai... 將於2009年完成, 估計約有162層! 完成後, 佢將會成為全世界最高既建築物!!!  之前睇過Discovery Channel介紹呢座野... 佢地日日夜夜不斷趕工... 平均三至四日起一層, 依家都唔知佢起左幾多層啦.... 有興趣睇下呢座野有幾咁巴閉, 可以click 呢個網址 : Burj Dubai , 唔好睇佢個outlook一岩一忽咁, 其實大有來頭架!   呢個外型設計其實係減低building被風吹倒既可能, 由於話晒係沙漠地區, 時常有大風沙, 設計師咁o既設計係令到呢座building '御'走D風力,, 咁咪唔怕起到咁高, 會吹'林'啦!