泰簡單@ Causeway Bay

前日同個舊同事去左銅鑼灣總統戲院樓上既泰簡單到食飯....

一入到去, 好有feel....佢既裝修, 擺設都好有泰國feel... 而且大部份員工都係泰國人.... 真係好似去左泰國餐廳咁!  唯一敗筆.... D位太逼!

一出lift, 就好似去左泰國咁...

可能平時好多人等位, 所以一入去既走廊位都放滿泰色椅櫈...

奉上熱茶, 一碟泰式小食.... 服務尚算唔錯

頭盤 : 唔記得個名,,, XX蟶子.... 係冷盤, 酸酸辣辣, 好好味!!! 我唔係太食得辣都覺得好好味~~ 必食!

配菜 : 碳燒豬頸肉... 又係好好味! 雖然好多人話豬頸肉無益,, 但因為真係好好味,,所以都照叫!

配菜 : 粉絲雜菜煲, 夠熱... 但越食越咸,, 因為D粉絲'索'晒D汁.... 但都OK!

呢個叫做 "金枕頭" , 內裡有咖喱蜆內汁.... 配法包

一D都唔辣, 係少少辣都無... 咖喱味唔重,, 椰香味較多...但啱我, 因為我唔食得太辣!

甜品 : 每件6元, 自由配搭.... 千層糕, 椰汁糕, 椰青大菜糕.... 好味!

場內較逼夾.... 大電視後係一個台, 夜D會有live band! (但個日得一個人係到彈琴)

以上食物無留意價錢, 亦唔知埋單幾錢,, 因為ANISE你太客氣啦... 趁我去toilet時俾左錢埋單!  多謝你!

我好鐘意同呢位朋友食飯,, 大家唔好睇佢咁瘦,, 佢好食得架!!! 所以同佢食飯永遠唔洗怕兩個人食唔晒.... 而且佢係一個好好既女仔,, 有咩鐘意食, 咩唔鐘意食都會出聲... 我最怕同D唔食又唔講, 咩都話無所謂既人食飯!!  我下次返黎再約過你下....   (喂, 如果你今日有睇, 記得幫我祈禱,,, 你知我幾怕坐飛機! Thanks!!!)