博多屋台風炒麪

今日, 講返飲食題材!

過左黎Dubai 一個禮拜, 即刻又回復師奶生活

.... 一日三餐早、午、晚都要悉心為大少準備..... 

之前大家都知我係香港搬左好多食物過黎.... 其實呢邊唔係無野食, 只係有時想食D港式食物或者日式食品, 就唔似係香港咁, 去吉之島, citysuper就乜都買到~~ 所以我幾辛苦, 都唔會放棄呢D食物!!!

今日介紹呢盒係香港買過黎既日式炒麪俾大家 ^O^

前排吉之島做日本節,,, 賣好多日式食物... 我暫時去唔到日本, 為有買呢D 止住渴先... 

博多屋台風!! 唔知係咪之前去日本新宿食博多拉麪出既呢???  (證實左應該唔係.. 日本個間拉麪館叫摶多天神!!)

內附 : 兩包拉麪 & 兩包醬汁!

雖然日本有好多食物都係好睇唔好食.. 但你睇佢個packing咁colorful...又圖文並戊, 最吸引到我~~

就算唔跟足... 都有個reference價值麻!!

我既做法 :

材料 :

冬菇切條 ,  紅蘿蔔切塊 , 磨菇切條, 椰菜切條

牛柳切塊, 一般醃肉方法醃 20 mins

做法 :

1) 燒熱一煲水煮'林' 拉麪(約兩分鐘即可), 撈起過冷河備用

2) 落油燒熱, 倒入磨菇, 冬菇, 紅蘿蔔略炒(加少少水),, 蓋上獲蓋待紅蘿蔔煮林少少....

3) 將椰菜倒入一起炒, 然後放入拉麪

4) 最後將附設醬汁&醃好既牛柳倒入一起炒至均勻, 即可!

鐘意食濕炒既朋友可以再加少少水, 令炒麪較濕; 要乾身則要試味, 唔好一次過落晒兩包醬汁, 否則會太咸!!

我無跟足佢盒上既煮法.... 我唔知呢個麪原本係濕炒定乾炒.... 不過我選擇乾炒.... 醬汁味道有少少辣辣地,, 幾野味!!!  不過我第一次整唔知, 諗住加左咁多料, 自己多手走去加多幾粒salt..最後我覺得有少少咸左D! 但大少都話好好味!!!

再加一杯鮮榨超多果肉既凍橙汁!!!  Yummy~~~