咩.. 咩..咩...Burger!!!

之前係香港睇見到Sulena 個blog 教整住家漢堡包, 心諗過到黎杜拜都要整下俾大少食...

前日終於有機會整啦.... 不過我今次揀左用羊咩咩肉整... 做法同牛肉應該差不多掛... 我都係好隨意試著做.... 最後都成功左! 大少仲食左兩個Burger 添呀!!!

多謝Sulena 俾左個咁好o既食譜我作參考! Thanks~~~ 

首先買左免治羊肉返黎洗淨, 切洋蔥細粒拌入羊肉, 再加醃料攪伴至有少少起膠即可搓成圓餅

醃料 : 由於羊肉有少少"穌" 味先好食,, 所以我只係用香草, 少許美極作調味, 以免搶走羊肉本身味道... 另外加多半隻雞蛋 & 少少粟米!

其他配料有椰菜 : 切絲用乾獲略炒備用! 

按個人喜好可隨意加減其他配料 : 蕃茄, 青瓜, 芝士等....

油落獲燒熱,, 將羊肉餅放入大火煎至兩面好似上圖顏色!  (大少奶教落, 大火煎可以鎖住肉質水份)

揀選好味既包包, 最後用獲 ' 慶' 熱, 我自己覺得用獲 ' 慶' 熱好食過用焗爐焗熱, 因為用獲 '慶' 熱會令包包脆脆地,, 好有口感!

上碟啦!!!!  屋企剩左少少薯條, 焗埋作配搭.... 好好味架~~~

我另外再加左D好好味既沙律醬... 圖中個枝沙拉汁係好友Cherry送俾我, 十個人食十個都話好好味 (吉之島有售) ... 果然名不虛傳... 大少都話好好味!!!!

Close Up 睇下個包... 賣相唔太靚, 但勝在好味夠Juicy!!