自我同Karen相認後, 我地終於約左今日出左黎食LUNCH! 因為Karen 公司正正係我屋企附近, 所以順利成章都係太古城到食--- 稻穂亭 ..... 由Karen 介紹, 但我自己都聽過人地講呢間夜晚有buffet 餐, 好抵食又新鮮! 我自己住開太古, 未去過...今日親身食過.... 真係好新鮮, 好好味呢!!!
但正如Karen你所講,,, 唔可以日日黎呢到食Lunch....因為價錢實在偏貴呢! 
我叫左個三文魚+三文魚子定食!! 超厚超新鮮三文魚.... 食到我有D滯, 都食唔到配菜~~ 價值約七十幾蚊!
Karen 叫左壽司定食 (仲有一碗烏冬, 唔記得影添!) 睇落都好新鮮, 好多款式 ... Karen, 報導下好唔好味呀..... 
呢個餐應該都係七十幾蚊!
臨走前, 當然唔少得黎一張合照啦....
講開又講.... Karen比我想像中斯文呢... 我諗有睇佢個BLOG都知佢鐘意跳舞.. 又參加好多表演, 所以我仲諗佢係好活躍, 好多野講既人... 但原來, 你係咁斯文!!! 相比.. 我好似仲多野講過你...heeeeeeeeeeee
好似你所講, 驚初初見面無野講, 其實我就唔係太擔心... 因為我知我地某D野係相似.. 而且大家又學過化粧跳舞... 點都R到D野講既... 不過好好彩, 大家都傾得好自然, 好投契!!! 感謝主~~
希望我下次返黎再有機會約你食飯啦!!
Karen仲好客氣親手整左D 蛋糕仔俾我食.... 多謝晒!!!! 我好懶... 乜都無準備俾你.... 唔好介意!!
原本諗住聽朝做早餐.. 但忍唔住, 都食左一隻!!! 好好味呢~~ 唔太甜但又有朱古力味....啱晒我 
Karen, 好開心識到你呀!!!
沒有留言:
張貼留言