Gathering @ Dubai living Quarter

今次返去杜拜同之前既感覺會有少少唔同!

第一: 我地就快搬新屋, 間新屋大好多, 又靚好多, 而且仲有Club House...比起住呢到, 正好多...期待中....

第二: 有幾個香港同事過左黎呢邊做事... 佢地同我地都相識左好耐, 而且感情好好... 有左佢地係到, 以後會有多D gathering既時間, 同埋以後出街去玩都多D人一齊去... 開心好多!!

前幾日, 我地就係公司宿舍到Gathering....大家黎睇下宿舍既廚房有幾大.... 公司宿舍有成三千呎...一間大大大套房連廁, 另有三房兩廁所, 兩個大大大廳,  1 個儲物室, 仲有一個小小洗衣房!

晏晝坐係飯枱到睇報紙, 食多士,, 陽光由窗外射入... 感覺好正架!

我地個個都話係呢D廚房到煮飯特別開心,, 因為係香港, 基本上都無乜機會擁有咁大個廚房!  我個同事話佢間屋同呢到個廚房差唔多大咋!!!

廚房旁邊有個小小洗衣房....

今次我地食海鮮餐.... 主要吸引我同大少放棄二人世界既主菜係.....

超大大大大大大 蝦.... 初初同事M同我地講買左D 好大隻既蝦... 佢用手比一比我地睇, 我地都話, 有冇可能咁大隻呀?? 佢話, 真架... 真係咁大隻!!! 我同大少都好懷疑... 心諗又係到吹水,, 點知一睇!!!

真係好似龍蝦咁大隻呀!!!! 我地見到咁大隻蝦, 眼都'突'埋.... 即刻話, 好啦好啦, 今晚一齊食啦..heeeee

隻蝦咁大隻,,, 炸完再用牛油煎先夠熟!  好好味~~~

同場加映....

炸魚春!  袁生話呢D香港無得食喎~ 但好似無乜人欣賞....

炆魚頭掛.. 我都唔知係咩... 味道OK啦.....

用炸完蝦既油黎煮既超油超肥鮮魷炒菜.... 味道當然好好食啦..但唔知食完會唔會即刻血管閉塞

仲有一煲超油既羊肉湯.... 用左好多調味料煮, 所以無乜羊'穌'味! 

全餐飯係由袁生一手包辦.... 成餐既味道都唔錯... 可惜高脂, 高膽固醇, 高卡路厘..... 下次都係咪攪!