Mall of Emirates @ Dubai

前幾日出去Dubai 行街... Dubai 黎黎去去都係得幾個大MALL,, 有之前介紹過既 Ibn Battuta  (有興趣可以Click 返入去睇!) 同埋今次介紹呢個Mall of Emirates (簡稱MOE) ..

我自己覺得MOE好行過Ibn Buttuta...佢商店種類繁多... 賣既衫/物都較 in & 大眾化... 名牌種類亦都集中晒係呢到.... 就算唔買野, 齋行都行到你死!

MOE最靚就係呢個天花.... 玻璃天幕設計, 不單有歐陸風味.. 而且又係一種慳電既好方法!

全個Mall層數並唔多... 但勝在夠大.... 面積我諗至少有四五個Times Square咁大!

睇唔到既盡頭... 每次行MOE都只係一行一忽仔.. 好難一日行晒成個Mall!

我冒住生命危險去偷影黑袍女人...佢地後生一輩既身型都較為高佻, 而且好多樣貌都唔錯架~

之前提及到我地就快要搬新屋.... 今次新屋唔再係Service Apartment,, 所以全部傢俬電器都要重新買過... 啱晒我! 我最鐘意睇家庭用品... 雖然唔算真係自己既屋企, 但唔洗用自己錢又可以滿足購買既慾望... 都咪話唔棧!  其實大少已經一早訂左床 & 飯枱... 但仲有好多e.g. Sofa, 電視, 雪櫃 etc....好多野都仲未買!! 出開Dubai.. 緊係四周睇下有咩啱啦...

一般家電無乜特別唔講... 唯獨呢到既雪櫃不得不提! 可能我係香港少去睇呢類電器... 原來雪櫃都有咁多款..

呢到D雪櫃最細都已經係右手邊個台.... 想再買細D都無!

呢個雪櫃超大,, 我諗要放滿食物都幾難!

再黎睇呢個高人一等high class 雪櫃.. 有埋電視你睇,, 煮飯唔怕悶親啦!  盛惠Dhs. 9799 (約HK$ 20,580)

同場加映呢個Flamemaster.... 香港就算有天台有花園,, 都唔會買呢個for BBQ 掛?!