黑椒雞肉銀芽炒義粉

今日煮左一味新菜式!!!

係我既解釋裡頭, 新菜式 = 我未煮過, 而且無搵recipe, 靠自己憑空想像煮出黎既野就為之 新菜式啦!!

大家唔好噓我住!! 你地要體諒下我呢個入廚初哥麻,,,, 煮出黎唔難食, 對我黎講已經算好好~~ 但如果煮出黎唔難食而又好好味既話, 我就要俾自己小小鼓勵,, 係咁二... 讚賞一下自己啦..haaaaaaaaaa 失禮失禮!!

因為未整過, 又無諗過會咁好味, 所以製作過程無影低,, 只係得個製成品照片!!

炒緊時已經聞到好香黑椒味!!

唔好以為芽菜配義粉怪怪地,,原來效果都好GOOD架!!(菇菇姐, 你喜歡這炒麪嗎?)

材料 (二人份):

雞膇 : 4 隻

蒜粒 : Depends on 個人喜好, 我加兩粒大蒜(切小粒粒!)

義大利粉 : 一大扎 ( 可用粗意/幼意... 甚至Tagliatelle都得!)

芽菜 : 半斤 (我係呢到買一包包, 我估有半斤!)

醃雞 :

先將雞膇肉切件 (我用較剪拆肉!) 

鼓油 : 3油匙 , 糖 : 1茶匙 , 麻油 : 少許 , 紹興酒 : 1湯匙 , 熱水 : 半碗

將所有調味料攪均, 加入已切好既蒜粒, 將雞肉倒下攪均, 醃15-30mins

做法 :

1) 煲滾水煮"林"義粉, 大火煮約3-4分鐘... 唔好煮到林晒, 硬硬地即可撈起備用!

2) 燒熱獲落油... 將已醃的雞件倒下略炒 (暫不要將全部醃汁倒入獲), 蓋上蓋略煮5分鐘

3) 將芽菜放下一起炒, 加多少少黑胡椒粉, 兜勻! 再用蓋焗3分鐘  (芽菜本身會出水, 所以唔洗再加水炒)

4) 將已煮的義粉倒入剩下之醃汁內攪勻... 然後再倒入獲一起炒至均勻

5) 最後, 再加入黑胡椒炒勻, 試味, 即可! ( 我自己本身加左幾滴湯皇, 如果家中沒有湯皇, 用美極調味亦可!)

希望大家會鐘意啦~~ 我諗住用呢款炒義粉做入伙酒其中之一味既菜式黎招呼朋友, 希望佢地到時會鐘意啦!!